తనకు డిప్యూటీ సీఎం పదవి దక్కకపోవడంతో మంత్రి నారా లోకేష్ రగిలిపోతున్నారా? చంద్రబాబు, పవన్ లు ఇవ్వరని తెలియడంతో ఇక మరో ప్లాన్ వేశారా? ఏకంగా చంద్రబాబు కుర్చీకే ఎసరు పెడుతున్నారా? అంటే ఔననే సమాధానం వస్తోంది.
పవన్ కళ్యాణ్ ఉండగా మరో డిప్యూటీ సీఎం పదవి ఇవ్వరని తెలియడం.. అన్ని వైపులా పవన్ ప్యాక్ చేయడం.. చంద్రబాబు మాట వినకపోవడంతో కొత్త ఫార్ములాను నారా లోకేష్ తెరపైకి తెచ్చినట్టుగా అర్థమవుతోంది.
ఏకంగా పార్టీలోనూ పెనుతుఫాన్ తీసుకొచ్చాడు. డిప్యూటీ సీఎం పదవి పై స్పందిస్తూ ఏకంగా తండ్రి చంద్రబాబు ముఖ్యమంత్రి పదవికే ఎసరు పెట్టిన మంత్రి నారా లోకేష్ వ్యవహారం ఇప్పుడు సంచలనంగా మారింది.
తెలుగుదేశం పార్టీలో కొత్త చర్చ తీసుకొస్తున్నాడు లోకేష్.. ఒక వ్యక్తి ఒక పదవిలో 3 టర్మ్స్ కంటే ఎక్కువ కొనసాగకూడదు అనేది నా ఉద్దేశమని.. ఇది పార్టీలో అమలు చేయాలని లోకేష్ కోరారు… అది నా వ్యక్తిగతం పొలిట్ బ్యూరోలో చర్చిస్తామన్నారు.
లోకేష్ ఫార్ములా అమలైతే ఇప్పటికే మూడు సార్లు ముఖ్యమంత్రి అయిన చంద్రబాబుకు ఇక వచ్చేసారి సీఎం సీటు దక్కదని తేలిపోయింది. దీంతో నారా లోకేష్ ఏపీకి సీఎం అవుతారని.. చంద్రబాబుకు ఇదే లాస్ట్ దఫా అని అర్థమైంది. ఇది లోకేష్ పెట్టిన ఫిటింగ్ గా అర్థమవుతోంది. పవన్ కు ఇది పోటుయేనని అంటున్నారు.
