వైసీపీ మాజీ నాయకుడు దువ్వాడ శ్రీనివాసరావుకు ప్రియురాలిగా పేరుపొందిన దివ్వెల మాధురి, సోషల్ మీడియాలో తన దూకుడును కొనసాగిస్తున్నారు. తాజాగా ఆమె రూపొందించిన ఓ వీడియో ఇప్పుడు వైరల్‌గా మారి, దువ్వాడ శ్రీనివాస్‌కు మరింత తలనొప్పి తెచ్చిపెడుతోంది.
ఒక వస్త్ర దుకాణం కోసం దివ్వెల మాధురి ‘పిలుస్తున్నట్టుగా’ రూపొందించిన ఈ పాట, ఇప్పుడు నెట్టింట్లో చర్చనీయాంశంగా మారింది. కొందరు అమ్మాయిలతో కలిసి దివ్వెల మాధురి చేసిన ఈ వీడియో, దుస్తుల దుకాణం ప్రకటనగా రూపొందించబడింది. ఇది సామాజిక మాధ్యమాల్లో వేగంగా వ్యాపిస్తోంది. అందరు నేతలకు దీన్ని అన్వయిస్తూ నెటిజన్లు ట్రోల్ చేస్తున్నారు.
దివ్వెల మాధురి వ్యవహారశైలి గతంలోనూ దువ్వాడ శ్రీనివాసరావుకు రాజకీయంగా ఇబ్బందులు సృష్టించింది. ఆమె వల్లే దువ్వాడ శ్రీనివాసరావు వైసీపీ నుంచి బహిష్కృతులయ్యారనే ఆరోపణలు కూడా ఉన్నాయి. ఇలాంటి పరిస్థితుల్లో దివ్వెల మాధురి కొత్త వీడియో దువ్వాడ శ్రీనివాసరావును మరింత చిక్కుల్లోకి నెట్టే అవకాశం ఉందని రాజకీయ వర్గాల్లో చర్చ జరుగుతోంది. ఈ వీడియో వల్ల దువ్వాడ శ్రీనివాసరావు ప్రతిష్టకు మరింత భంగం వాటిల్లే అవకాశం ఉందని విశ్లేషకులు అభిప్రాయపడుతున్నారు.
వీడియో కోసం క్లిక్ చేయండి
