అన్నా.. ఈ పవన్ కళ్యాణ్ గారు చెప్పే మాటలు వింటుంటే నవ్వాపుకోలేకపోతున్నా!” అంటూ తనదైన యాసలో మొదలుపెట్టాడు గోదావరి జిల్లాకు చెందిన ఓ యువకుడు. పవన్ కళ్యాణ్ తాజా రాజకీయ వ్యాఖ్యలపై తనదైన శైలిలో సెటైర్లు వేస్తూ అతడు చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి.
“గతంలో చంద్రబాబు నాయుడు గారికి వయసైపోయిందని, ఆయన రెస్ట్ తీసుకోవాలని చెప్పింది ఈయనే కదా! మరి ఇప్పుడు ఏమైందో.. ఆయన్ని పట్టుకునే డిప్యూటీ సీఎం అయిపోయాడు. అప్పుడు చెప్పిన మాటలేమో గాలికి కొట్టుకుపోయాయి” అంటూ పవన్ కళ్యాణ్ గతంలోని వ్యాఖ్యలను గుర్తు చేశాడు ఆ యువకుడు.
ఇక తాజాగా పవన్ కళ్యాణ్ చేసిన వ్యాఖ్యలపై మరింత ఘాటుగా స్పందించాడు. “ఈనాడు వచ్చే ఎలక్షన్ కోసం కాదంటా.. వచ్చే తరం కోసం కొనసాగాలంటా! అంటే ఏమిటన్నా ఇది? పదవి కావాలనే కోరిక స్పష్టంగా కనిపిస్తోంది. అప్పుడేమో వయసైపోయిందని చెప్పడం.. ఇప్పుడేమో తరాల గురించి మాట్లాడటం.. ఏమి లాజిక్ ఇది?” అంటూ ప్రశ్నించాడు.
పవన్ కళ్యాణ్ తరచూ తన పార్టీ నిలబడిందని, 40 ఏళ్ల చరిత్ర కలిగిన టీడీపీని తామే నిలబెట్టామని గొప్పలు చెప్పుకుంటున్నారని ఆ యువకుడు ఎద్దేవా చేశాడు. “మొన్నేమో టీడీపీని మనమే నిలబెట్టామన్నారు. మరి ఈరోజు ఏమో ‘మాకు సత్తా లేకనే చంద్రబాబు మద్దతు ఇచ్చాం’ అంటున్నారు. అంటే ఏమిటన్నట్టు? ఒకసారి నిలబెట్టామంటారు.. మరోసారి సత్తా లేదంటారు. ఆయన మాటలకే ఆయనకు క్లారిటీ ఉందో లేదో అర్థం కావడం లేదు” అంటూ చమత్కరించాడు.
“నాలో సరైన సత్తా లేక ఓట్లు చీలిపోతాయని చంద్రబాబుకు మద్దతు ఇచ్చాను. సత్తా లేనప్పుడు ప్రజలకు మేలు చేసే వాళ్లకు సపోర్ట్ చేయాలని చేశాను’ అని పవన్ కళ్యాణ్ స్వయంగా చెప్పడాన్ని ఆ యువకుడు మరింత సెటైరికల్‌గా వ్యాఖ్యానించాడు. “సత్తా లేనప్పుడు సపోర్ట్ చేశారట! మరి అంతకుముందు టీడీపీని నిలబెట్టామని చెప్పింది ఊరికేనా? సత్తా లేదని తెలిసినప్పుడు అంత పెద్ద మాట ఎందుకు చెప్పారో ఆయనే చెప్పాలి” అంటూ తనదైన గోదావరి యాసలో పవన్ కళ్యాణ్ మాటలను తప్పుబట్టాడు.
మొత్తానికి ఈ యువకుడి సెటైర్లు సోషల్ మీడియాలో తెగ వైరల్ అవుతున్నాయి. పవన్ కళ్యాణ్ మాటల్లోని వైరుధ్యాలను ఎత్తిచూపుతూ అతడు చేసిన వ్యాఖ్యలు రాజకీయ వర్గాల్లోనూ చర్చనీయాంశంగా మారాయి. రానున్న రోజుల్లో పవన్ కళ్యాణ్ ఈ విమర్శలకు ఎలా స్పందిస్తారో చూడాలి.
https://x.com/Neninthae_/status/1906701756555489761
