తెలుగుదేశం అధినేత నారా చంద్రబాబు నాయుడు ఇంగ్లీష్ మరోసారి సోషల్ మీడియాలో చర్చకు దారి తీసింది. తాజాగా ఆయన మాట్లాడిన ఇంగ్లీష్ వీడియో నెట్టింట్లో తెగ వైరల్ అవుతోంది.
ఇటీవల ఒక సమావేశంలో మాట్లాడిన చంద్రబాబు “I used to work 6 Km Morning & 6 Km Evening… బ్రిటీష్ వాళ్లకి ఇంగ్లీష్ నేర్పించింది నేనే తమ్ముళ్లు’’ అంటూ చేసిన వ్యాఖ్యలు నెట్టింట్లో తెగ షేర్ అవుతున్నాయి. అంతేకాక “91 థౌంసడ్స్, 4 హండ్రెడ్, 6 x 13 థౌంజండ్స్” అంటూ ఆయన లెక్కలు చెప్పిన తీరు నెటిజన్లకు ఎంటర్టైన్‌మెంట్‌గా మారింది.
ఇప్పటికే కొద్ది రోజుల క్రితం ఒక పాఠశాల కార్యక్రమంలో పిల్లలతో ఇంగ్లీష్‌లో మాట్లాడినప్పుడు వారికి అర్థం కాకపోవడంతో, పక్కనే ఉన్న ఇంగ్లీష్ టీచర్ అనువదించిన వీడియో సోషల్ మీడియాలో ట్రోల్స్‌కు దారితీసింది. ఆ వీడియో ఇంకా చర్చలోనే ఉండగా, తాజాగా వచ్చిన ఈ కొత్త వీడియో “బాబు గారి టింగ్లీష్ 2.0”గా మారింది.
నెటిజన్లు మీమ్స్, వీడియోలు, రీల్స్‌తో తెగ క్రియేటివ్‌గా స్పందిస్తున్నారు. కొందరు “బ్రిటిష్ వాళ్లకే బాబు ఇంగ్లీష్ నేర్పారట” అంటూ జోకులు వేస్తుండగా, మరికొందరు “ఇది ఒరిజినల్ టింగ్లీష్” అంటూ సెటైర్లు వేశారు.
ఎప్పుడూ సీరియస్‌గా కనిపించే చంద్రబాబు ఇలా ఇంగ్లీష్ మాట్లాడినప్పుడు వచ్చే చిన్న చిన్న తప్పులు ఇప్పుడు సోషల్ మీడియాలో పెద్ద ఎంటర్టైన్‌మెంట్‌గా మారాయి.
