పెళ్లై 15 ఏళ్లు అయ్యింది. ఇద్దరు కుమారులకు తల్లిదండ్రులు వీళ్లు.. అయినా స్టార్ హీరో జంట విడాకులు తీసుకుంది. కోలీవుడ్ నటుడు జయం రవి తన భార్యతో విడాకులు తీసుకుంటున్నట్టు ప్రకటించారు. ప్రముఖ టెలివిజన్ నిర్మాత సుజాత విజయకుమార్ కుమార్తె ఆర్తితో జయం రవికి 15 ఏళ్ల క్రితం వివాహమైంది. వీరిద్దరూ నేడు విడాకులు తీసుకుంటున్నట్లు ప్రకటించారు. ఈ విషయాన్ని నటుడు తన సోషల్ మీడియా ప్రొఫైల్స్లో పంచుకున్నాడు.
ఇంగ్లిష్ , తమిళం రెండింటిలోనూ పోస్ట్ చేసిన నోట్లో, జయం రవి అన్ని పరిశీలించిన తర్వాత కఠినమైన నిర్ణయం తీసుకున్నారని, మా బంధం విడిపోవడానికి వ్యక్తిగత కారణాలపై ఆధారపడి ఉందని వివరించారు. ప్రతి ఒక్కరూ తమ గోప్యతను గౌరవించాలని ఆయన కోరారు.
కొన్ని నెలల క్రితం ఆర్తి తన ఇన్స్టాగ్రామ్ ఖాతా నుండి వారి ఫోటోలను తొలగించడంతో విడాకుల పుకార్లు వ్యాపించాయి. విడిపోవడానికి ఖచ్చితమైన కారణాలు బహిరంగంగా తెలియనప్పటికీ, ఈ జంట ఇప్పుడు అధికారికంగా విడిపోయారు.
వృత్తిపరంగా, పొన్నియన్ సెల్వన్ 2 నుండి జయం రవి విజయాన్ని చూడలేదు. తని ఒరువన్ 2తో సహా అతనికి కొన్ని రాబోయే ప్రాజెక్ట్లు ఉన్నాయి.
