ఏపీలో కూటమి పాలన అరాచకాలకు ఆకృత్యాలకు అడ్డాగా మారింది. గతంలో ఎన్నడూ లేని విధంగా దారుణాలు చోటు చేసుకుంటున్నయి. మహిళలు, చిన్నారులపై అత్యాచారాలు.. నడిరోడ్డుపై హత్యలు జరుగుతున్న ఈ ప్రభుత్వం మాత్రం పట్టించుకోవడం లేదు. పచ్చ మూకలు స్వైర విహారం చేస్తూ రెచ్చిపోతున్నాయి. ఈ దారుణాలను ప్రశ్నించిన వారిపై కేసులు పెడుతూ వేధింపులకు గురి చేస్తున్నారు.
ప్రతిపక్షాలకు చెందిన నాయకులపై అక్రమ కేసులు బనాయిస్తూ జైల్లో పెడుతున్నారు. ఒకరకంగా చెప్పాలంటే ఏపీని మరో బీహార్ కంటే దారుణంగా కూటమి నాయకులు తయారు చేశారు. ఇదే విషయాన్ని జై భీమ్ రావు పార్టీ అధినేత జడ శ్రవణ్ మీడియా ముఖంగా వెల్లడించారు. ఒక చానల్లో నిర్వహించిన డిబేట్లో ఆయన మాట్లాడుతూ ఈ వివరాలను బహిర్గతం చేశారు. గడిచిన 5 నెలలు కూటమిపాలనలో 127 మంది మహిళలు ప్రాణాలు కోల్పోయారని, వీరిలో ఐదు నుంచి ఆరేళ్లలోపు చిన్నారులు 15 నుంచి 20 మంది వరకు ఉన్నారని వెల్లడించారు. వీరంతా అత్యంత దారుణంగా అత్యాచారానికి గురై హత్య గావించబడ్డారని వెల్లడించారు. మీడియా ముందుకు రానివి ఇటువంటి ఘటనలు ఎన్నో ఉన్నాయని, వీటిపై ప్రభుత్వం కనీసం పట్టించుకోవడం లేదంటూ తీవ్ర ఆగ్రహం వ్యక్తం చేశారు.
రాష్ట్రంలో పాలను ఉందా అన్నట్టుగా ప్రస్తుతం దారుణాలు చోటు చేసుకుంటున్నాయని అసహనం వ్యక్తం చేశారు. జడ శ్రవణ్ వెల్లడించిన వివరాలకు సంబంధించిన వీడియో ప్రస్తుతం సోషల్ మీడియాలో తెగ వైరల్ అవుతోంది. గతంలో కూటమి ప్రభుత్వం రావాలని తీవ్రస్థాయిలో ప్రయత్నం సాగించిన జడ శ్రవణ్ వంటి వాళ్లే ఈ ప్రభుత్వ తీరుపై అసహనాన్ని వ్యక్తం చేస్తుండడం ప్రజా వ్యతిరేకతకు నిదర్శనంగా చెప్పవచ్చు అంటూ పలువురు పేర్కొంటున్నారు. ఈ వివరాలు వెల్లడించిన జడ శ్రవణ్ ను నియంత్రించేందుకు సిద్ధమవుతుందా.? అన్న చర్చ కూడా సాగుతోంది. జడ శ్రవణ్ మాట్లాడిన వీడియో మీరు చూడండి.
100కు పైగా అఘాయిత్యాలు..
శాంతి భద్రతలు పూర్తిగా క్షీణించాయి నీతులు చెప్పే పవన్ కళ్యాణ్ pic.twitter.com/wpiA1bpJDv
— Bhaskar Reddy (@chicagobachi) November 6, 2024
