టీడీపీ ప్రభుత్వ పాలనపై వైసీపీ అధినేత వైఎస్ జగన్ చెప్పిన ఓ పిట్టకథ వైరల్ అవుతోంది. కూటమి సర్కార్ చేస్తోన్న కుట్రను బయటపెట్టేలా ఉందని అంటున్నారు. జనాలకు అర్థమయ్యే భాషలో చాలా వినసొంపుగా.. ఆకట్టుకునేలా జగన్ ఈ ‘కుక్కపిల్ల’ కథ చెప్పాడు.
ఓ అమాయకుడు భుజం మేకపిల్లను వేసుకొని దాన్ని అమ్ముకొని సొమ్ము చేసుకోవాలని చూస్తాడు. అయితే అక్కడే ఈ విషయం చూసిన నలుగురు దొంగలు చాకచక్యంగా అతడిని వెంబడిస్తూ.. ‘ఏమయ్యా భుజంపై కుక్కపిల్ల బాగుంది.. మాకు అమ్ముతావా?’ అంటూ మొదట ఓ దొంగ అంటాడు. అయితే ఆశ్చర్యపోయిన ఆ అమాయకుడు నేను తీసుకెళుతున్నది మేకపిల్ల కదా కుక్కపిల్ల అంటాడేంటి అని సంశయం వ్యక్తం చేస్తూ ముందుకెళుతాడు..
మిగతా ముగ్గురు కూడా ఇలానే భుజాన కుక్కపిల్లను ఎందుకు మోసుకెళుతున్నావయ్యా.. కింద నడిపించుకు తీసుకెళ్లు అంటారు. ముగ్గూరు మేకపిల్లను కుక్కపిల్ల అనేసరికి డౌట్ వచ్చిన అమయాకుడు తన కళ్లకే ఏదో మసక బారింది కావచ్చని ఆ మేకపిల్లను కింద పడేసి ఈ కుక్కపిల్ల వద్దు ఏమీ వద్దని వెళ్లిపోతాడు.
ఆ నలుగురు దొంగలు ఆ మేకపిల్లను తీసుకొని వండుకు తింటారు. ఆ నలుగురు ఎవరయ్యా అంటే చంద్రబాబు, పవన్, పురంధేశ్వరి, ఎల్లో మీడియా అంటూ జగన్ చెప్పిన ఈ పిట్టకథ వైరల్ అవుతోంది. మీరూ ఆ వీడియోను చూసి కూటమి సర్కార్ పై మీ అభిప్రాయాన్ని తెలియజేయండి.
