సామాజిక మాధ్యమాల్లో పవర్ రేంజర్ పేరుతో గత కొద్ది రోజులుగా పవన్ కళ్యాణ్ ను ఏకపారేస్తున్న యువకుడు సంబంధించిన మరో వీడియో విడుదలైంది. ఈ వీడియోలో మరోసారి ఏపీ డిప్యూటీ సీఎం పవన్ కళ్యాణ్ సదర్ పవర్ రేంజర్ గట్టిగానే వాయించేసాడు. ఈసారి కాకినాడ పోర్టులో ‘సీజ్ ద షిప్’ అంటూ పవన్ కళ్యాణ్ చేసిన హడావుడిపై సదరు యువకుడు పవర్ రేంజర్ (పవన్ కళ్యాణ్) ను ఒక రేంజ్ లో ఆడుకున్నాడు.
రాష్ట్రంలో బియ్యం అక్రమ రవాణా విషయంలో పవన్ వ్యవహరించిన తీరు ట్రోల్స్ కు గురైంది. ఈ వీడియోలో సీఎం చంద్రబాబు నాయుడు, డిప్యూటీ సీఎం పవన్ కళ్యాణ్ ను ఏకి పారేసినట్టుగా విమర్శించాడు. ‘ నేనండీ మీ మీ బాబోరిని.. పనామా షిప్పును సీజ్ చేయమనే అధికారం పవన్ కు లేదని.. అయినా పనిమనిషిలా తీసిపారేస్తానంటాడేంటి.. అసలు బొత్తిగా అధికారం గురించి అధికారాల గురించి పవన్ కు తేడా తెలియదంటూ చంద్రబాబు సెటైర్లు వేస్తున్నట్టుగా యువకుడు తన గోదావరి యాసలో సెటైర్లు వేశాడు.
పవర్ రేంజర్ పవన్ కళ్యాణ్ ను ఏకి పారేశాడు. రాష్ట్రంలో కొద్ది రోజులుగా పవన్ కళ్యాణ్ వ్యవహరిస్తున్న తీరును ఇందులో సదరు గోదావరి ప్రాంతానికి చెందిన యువకుడు ఎండగట్టాడు. ప్రస్తుతం సామాజిక మాధ్యమాల్లో వైరల్ అవుతున్న ఈ వీడియో చూస్తున్న ఎంతో మంది నెటిజన్లు ఒరేయ్ పవర్ రేంజరు మళ్లీ వచ్చేసాడు రా బాబు అంటూ వ్యాఖ్యానిస్తున్నారు. ఏది ఏమైనా ఈ పవర్ రేంజర్ పవన్ కళ్యాణ్ ఒక ఉతుకు ఉతికేస్తున్నాడంటూ పలువురు వ్యాఖ్యానిస్తున్నారు.
