యాంకర్ అనసూయ మైదుకూరు పర్యటన స్థానికులకు సమస్యగా మారింది. ఆమె వస్త్ర దుకాణం ప్రారంభానికి వస్తుండటంతో అధికారులు అత్యంత ఓవరాక్షన్ చేశారు. దుకాణం ప్రారంభానికి ముందు మైదుకూరు ఆర్టీసీ అధికారులు బస్టాండ్ ప్రధాన ద్వారం మూసివేశారు. ఈ కారణంగా, ఉద్యోగులు మరియు విద్యార్థులు కష్టాలు ఎదుర్కొన్నారు. ఈ రోజు రాష్ట్రవ్యాప్తంగా ప్రభుత్వం మెగా పేరెంట్స్ – టీచర్స్ మీటింగ్ నిర్వహిస్తోంది. ఈ కార్యక్రమంలో పాల్గొనడానికి తమ పిల్లలతో కలిసి పేరెంట్స్ బస్టాండ్ వద్దకు చేరుకుంటే, ప్రధాన ద్వారం మూసివేయబడటంతో వారు ఆగ్రహం వ్యక్తం చేస్తున్నారు.
ప్రతిరోజూ మైదుకూరు నుంచి ప్రయాణించే వారు ఇబ్బందులు ఎదుర్కొంటున్నారు. దీంతో, స్థానికులు ఆర్టీసీ అధికారులను నిలదీస్తున్నారు. కొందరు ఆగ్రహంతో అధికారులపై మండిపడుతున్నారు. అనసూయ వస్తున్నప్పుడు బస్టాండ్ ద్వారం మూసివేయడం ఎందుకు అని వారు ప్రశ్నిస్తున్నారు.
అయితే, అధికారులు తమకు వచ్చిన ఆదేశాల ప్రకారం గేట్ మూసివేసినట్లు చెబుతున్నారు. దీంతో, బస్సు ఎక్కడానికి వచ్చిన వారు కష్టాలు పడుతున్నారు. ఈ విషయంపై ఇప్పటికే ఆర్టీసీ ఉన్నతాధికారులకు కొందరు ఫిర్యాదు చేశారు. యాంకర్ వస్తే ఇంత తీవ్రంగా అధికారులు స్పందించాలా అని సామాన్యులు ఆగ్రహం వ్యక్తం చేస్తున్నారు.
