నటుడు నటిస్తాడు.. సినిమాల్లో అయినా.. జనంలో అయినా.. అదంతా ఆర్టిఫియల్.. ఇక నిజమైన నేత జీవిస్తాడు.. ప్రజల కష్టసుఖాల్లో పాలుపంచుకుంటాడు. ప్రజల కష్టాలు తీరుస్తాడు. వారికి కావాల్సిన అన్ని ప్రాజెక్టులు, పథకాలు, పనులపై అవగాహన పెంచుకుంటాడు. జగన్ అదే చేశాడు. ప్రజల్లో విశేషమైన ఆదరణ పొందాడు.
కానీ ఇప్పుడు యాక్టర్ నుంచి పొలిటీషియన్ గా మారిన పవన్ కళ్యాణ్ అసలు పాలనపై ఏమాత్రం అనుభవలేదని అర్థమవుతోంది. అతడి అనుభవ రాహిత్యంతో ప్రెస్ మీట్లలో నవ్వుల పాలవుతున్న దృశ్యాలు ఇప్పుడు మనకు కనిపిస్తున్నాయి.
తాజాగా సాగునీటి ప్రాజెక్టులపై పవన్ కు ఏమాత్రం అవగాహన లేదు. ప్రాజెక్టులు అర్థం కావడం లేదని.. ఈ మెగావాట్లు, గిగా వాట్లు ఏంటో తెలియడం లేదని.. తన పేషీని కూడా తనకు అర్థమయ్యే భాషలో చెప్పాలని కోరానని పవన్ తన తెలియని తనాన్ని బయటపెట్టాడు. ప్రాజెక్టులు నిర్వహణ, విద్యుత్ ఉత్పత్తిపై అవగాహన లేదని చేతులెత్తేశాడు పవన్.
అయితే జగన్ మాత్రం పోలవరం సహా ఏపీలోని ప్రతీ ప్రాజెక్టుపై ఎంత ప్రాజెక్టు వ్యయాలు, అందులోని పవర్ ఎంత తీయవచ్చు.. ఎంత మెగా వాట్ల విద్యుత్ పొందొచ్చు అన్నది క్లియర్ కట్ గా చెబుతాడు. అంతలా ప్రాజెక్టులపై జగన్ పట్టుంది.. పట్టు పెంచుకున్నారు కూడా. ఇదే పవన్ కు అర్థం కాని విషయం.. అందుకే
పవన్ వర్సెస్ జగన్ సామర్థ్యాలపై ఇప్పుడు సోషల్ మీడియాలో వీడియోలు వైరల్ అవుతున్నాయి. పవన్ చర్యలు కూడా పరిశీలించే పనులు కూడా జగన్ పాలన గొప్పతనాన్ని చూపించేలానే ఉన్నాయి. అందుకే పవన్ ను కేవలం యాక్టర్ గా చూపిస్తే.. జగన్ ను ఆర్టిస్ట్ గా చూపిస్తున్నారు.
