రాజకీయాల్లో జనసేన, వైసీపీ ఉప్పునిప్పుగా ఉన్నాయి. రెండు పార్టీలకు అస్సలు పడదు. అసలు జగన్ ను తీవ్రంగా వ్యతిరేకిస్తుంటాడు పవన్ కళ్యాణ్. నిజానికి చంద్రబాబు చేసిన కుట్రలు అన్నీ ఇన్నీ కావు.. మెగా ఫ్యామిలీపై, పవన్ పై ఎన్నో కుట్రలు చేశాడు. మీడియాలో అభాసుపాలు చేశాడు. స్వయంగా నా తల్లిని టీడీపీ అవమానించిందని చాలా సార్లు కూటమి కట్టకముందు పవన్ అన్నాడు. అలాంటి పవన్ చంద్రబాబుతో కలిసి పదవుల కోసం కాంప్రమైజ్ అయిపోయాడు.
అయితే ఏమీ అనని జగన్ పై పడి ఇప్పటికీ పవన్ ఆడిపోసుకుంటున్నాడు. పైన నేతలే కాదు.. కింది స్థాయిలో కూడా జనసేన, వైసీపీ నేతల మధ్య పచ్చ గడ్డి వేస్తే భగ్గుమనే స్థాయిలో విభేదాలు పొడచూపుతున్నాయి..
తాజాగా ఓ న్యూస్ చానెల్ లైవ్ లో వైసీపీ నేత వెంకటరెడ్డి, జనసేన నేత దాసరి కిరణ్ మధ్య వాదోపవాదాలు సాగాయి. అది శృతిమించిపోయాయి.. వెంకటరెడ్డి ‘అరే తమ్ముడు చెప్పేది విను’ అంటూ పద్ధతిగా చెప్పగా.. జనసేన నేత కిరణ్ రెచ్చిపోయాడు. ‘ఎవడ్రా నీకు తమ్ముడు’ అంటూ పవన్ కళ్యాణ్ డైలాగుల లాగానే నోరుపారేసుకున్నాడు. ఇలా వీరి వ్యవహారం బూతుల వరకూ సాగి రచ్చ రంబోలా అయ్యింది. ఇప్పుడీ వీడియో వైరల్ అవుతోంది.
