ప్రజాశాంతి పార్టీ అధ్యక్షుడు కేఏ పాల్ మరోసారి తన ఘాటైన వ్యాఖ్యలతో రాజకీయ వర్గాల్లో చర్చనీయాంశంగా మారారు. నారా లోకేష్‌పై సంచలన వ్యాఖ్యలు చేస్తూ, ఆయన తండ్రి చంద్రబాబునాయుడు గురించి ఆసక్తికరమైన వ్యాఖ్యలు చేశారు.
“ఒరేయ్ నారా లోకేష్! నీ రెడ్ బుక్ ఎంత?” అంటూ నేరుగా కేఏ పాల్ దుమ్మెత్తి పోశారు. లోకేష్‌కు మాస్ వార్నింగ్ ఇచ్చారు. ఆయన వ్యాఖ్యల తీరును చూస్తే, టీడీపీ కుటుంబ పాలనపై తీవ్ర అసంతృప్తి వ్యక్తం చేస్తున్నట్లు స్పష్టమవుతోంది.
ఇంతకూ కేఏ పాల్ ఆగ్రహానికి కారణమెంటంటే, లోకేష్ తన తండ్రిని సమర్థించుకుంటూ చేస్తున్న వ్యాఖ్యలు.. వైసీపీ నేతలను కిడ్నాప్ లు చేయించడం.. వైసీపీ నేతలపై దాడులను.. ప్రతిపక్షాన్ని లేకుండా చేస్తున్న కుట్రలపై కేఏ పాల్ మండిపడ్డారు. ఆ రోజు YSR తలుచుకుంటే మీ నాన్న గతి ఏమై ఉండేదో తెలుసుకో” అంటూ దివంగత ముఖ్యమంత్రి వైఎస్ రాజశేఖర రెడ్డి హయాంలో చంద్రబాబుకు ఎదురైన పరిస్థితులను కేఏ పాల్ గుర్తు చేశారు.
కేఏ పాల్ వ్యాఖ్యలు సామాజిక మాధ్యమాల్లో వైరల్ అవుతున్నాయి. అయితే, టీడీపీ నుంచి ఇప్పటి వరకు ఎటువంటి ప్రతిస్పందన రాలేదు. కానీ, కేఏ పాల్ గతంలో కూడా చంద్రబాబునాయుడు, లోకేష్‌పై తీవ్ర విమర్శలు చేసిన సందర్భాలు ఉన్నాయి.
ఈ ఆరోపణల నేపథ్యంలో టీడీపీ ఎలా స్పందించబోతోందో చూడాలి. మరి కేఏ పాల్ చేసిన ఈ కామెంట్స్ మరిన్ని రాజకీయ దుమారాలను రేపుతాయా? వేచిచూడాలి!
