ఇటీవల అమెరికా అధ్యక్షుడు డొనాల్డ్ ట్రంప్ ప్రకటించిన టారిఫ్‌లు భారత ఆర్థిక వ్యవస్థపై ప్రతికూల ప్రభావం చూపనున్నాయి. ఈ సందర్భంలో, ఏపీ మాజీ ముఖ్యమంత్రి నారా చంద్రబాబు నాయుడు ముందుకు వచ్చి ట్రంప్‌తో నేరుగా చర్చించి, ఈ నిర్ణయాన్ని మార్చగలిగితే అది ఆయన రాజకీయ ప్రస్థానంలో ఒక పెద్ద విజయంగా నిలుస్తుంది.
చంద్రబాబు గారు తన రాజకీయ జీవితంలో పలు సందర్భాల్లో “మోడర్న్‌” ఆలోచనలతో ముందుకు వచ్చిన నేతగా పేరు తెచ్చుకున్నారు. మైక్రోసాఫ్ట్‌ సీఈవోగా సత్య నాదెళ్ల ఎదుగుదలలో తాను కలిగించిన సహాయం, హైదరాబాద్‌ ఐటీ హబ్‌గా మారడంలో తన పాత్ర, ఈ విషయాలను ఆయన తరచూ గర్వంగా ప్రస్తావిస్తుంటారు. అలాగే ఈసారి ట్రంప్‌తో చర్చించి, టారిఫ్‌లను వెనక్కి తిప్పించగలిగితే అది ఆయన రాజకీయ ‘బ్రాండ్‌’కు కొత్త మెరుపు జోడిస్తుంది.
ముఖ్యంగా, భారతీయ ఐటీ, టెక్స్‌టైల్‌, వ్యవసాయ ఉత్పత్తులపై టారిఫ్ ప్రభావం తీవ్రంగా ఉంటుంది. ఈ సమస్యను పరిష్కరించడం ద్వారా భారత్‌–అమెరికా వాణిజ్య సంబంధాలు మరింత బలపడతాయి. ఇదే సమయంలో, చంద్రబాబు గారి చర్చా నైపుణ్యం, అంతర్జాతీయ స్థాయి పరిచయాలు మరోసారి ప్రదర్శించబడతాయి.
ఇలా జరిగితే, ఆయన మోడీ కంటే గొప్ప లీడర్‌ అని తన అనుచరులు చెప్పుకునే అవకాశముంది. రాజకీయంగా ఇది ఒక గోల్డెన్ ఛాన్స్ మాత్రమే కాదు, ఆర్థికపరంగా కూడా రెండు దేశాలకు ప్రయోజనం చేకూర్చే అవకాశముంది. ఇప్పుడు చూడాల్సిందల్లా, చంద్రబాబు దమ్ముంటే ఇన్నాళ్లు చెప్పిన కాకమ్మ కథలు నిజం అని నిరూపించుకోవాలంటే ట్రంప్ తో మాట్లాడి ఇండియా మీద టారిఫ్ లను రద్దు చేయించాలని వైసీపీ ఫ్యాన్స్ కోరుతున్నారు. బాబుపై సెటైర్లు వేస్తున్నారు.
