జియో హాట్ స్టార్ లో ప్రసారం అవుతున్న ‘అగ్నిపరీక్ష’ రియాలిటీ షో ప్రస్తుతం హీట్ పీక్స్ లో కొనసాగుతోంది. మొదటి రోజుల్లో ఓటింగ్ లో టాప్ 5 లో నిలిచిన మర్యాద మనీష్, నిన్నటి ఎపిసోడ్ తర్వాత మాత్రం తన అసలు రంగు బయటపెట్టాడు.
టీమ్ టాస్క్ లో తన సహచరులను వెనక్కు నెట్టి, తానే ఎక్కువ తెలివైన వాడినని చూపించుకోవడానికి చేసిన ప్రయత్నం విఫలమైంది. కేవలం ఒక ప్రశ్నకే సరైన సమాధానం చెప్పిన మనీష్, మిగతా అన్ని ప్రశ్నలకు ఫెయిల్ అయ్యాడు. ఓటమి తర్వాత తన టీమ్ సభ్యుడు పవన్ పై అమర్యాదగా ప్రవర్తించి, “నీకు బుద్ధి బలం లేదు, కేవలం కండబలం మాత్రమే ఉంది” అంటూ పొగరుగా మాట్లాడాడు.
ఇలాంటి వ్యవహార శైలిని గమనించిన జడ్జిలు ఆయనకు వరస్ట్ కంటెస్టెంట్ ట్యాగ్ ఇచ్చి, ఎల్లో కార్డు చూపించారు. మరోసారి తప్పిదం జరిగితే షో నుండి ఎలిమినేట్ అయ్యే పరిస్థితి.
ఇప్పుడు సోషల్ మీడియాలో కూడా నెటిజన్లు మనీష్ ను తీవ్రంగా ట్రోల్ చేస్తూ, “మర్యాద మనీష్ కాదు, అమర్యాద మనీష్” అని సెటైర్లు వేస్తున్నారు. ఇక ఆయన షో లో నిలదొక్కుకుంటాడా? లేక త్వరలోనే బయటకు వెళ్తాడా? అన్నది చూడాలి.
