‘అగ్నిపరీక్ష’ షోలో తన స్పష్టమైన పాయింట్స్తో ఆకట్టుకున్న దమ్ము శ్రీజ, బిగ్ బాస్ హౌస్లో మాత్రం అదే జోరు చూపించలేకపోతోందని ప్రేక్షకుల అభిప్రాయం. నామినేషన్స్ సమయంలో సిల్లీ కారణాలతో తనూజను నామినేట్ చేయడంపై నాగార్జున స్వయంగా క్లాస్ తీసుకున్న ఘటన ఇప్పటికే చర్చనీయాంశమైంది.
తాజా ఎపిసోడ్లో నాగార్జున సరదాగా “హౌస్లో సమస్యలేవైనా ఉన్నాయా?” అని అడగగా, శ్రీజ స్పందిస్తూ తన వాయిస్ హై పిచ్ గురించి చెప్పింది. దీనిపై నాగార్జున “అది మా సమస్య” అని జోక్ చేయగా, శ్రీజ “అదే చెప్తున్నాను సార్, నాదైతే సమస్య కాదు” అని కౌంటర్ ఇచ్చింది. దీంతో ఆమె నాగార్జునకు పరోక్షంగా వార్నింగ్ ఇచ్చినట్టే అనిపించిందని నెటిజెన్స్ కామెంట్స్ చేస్తున్నారు.
సాధారణంగా నాగార్జున చేసే సెటైర్లను అందరూ సరదాగా తీసుకుంటారు. కానీ శ్రీజ మాత్రం కౌంటర్ ఇవ్వడం సోషల్ మీడియాలో విమర్శలకు దారితీసింది. “నాగార్జున లాంటి సూపర్ స్టార్ మనతో మాట్లాడడమే ఒక గౌరవం.. అలాంటిది ఆయన జోకులు కూడా భరించలేకపోవడం ఏంటి?” అంటూ నెటిజెన్స్ మండిపడుతున్నారు.
హౌస్లోకి అడుగుపెట్టినప్పటి నుంచి శ్రీజ గ్రాఫ్ పడిపోతూనే ఉందని, ముఖ్యంగా వీకెండ్ ఎపిసోడ్తో మరింతగా దెబ్బతిన్నదని విశ్లేషకుల అభిప్రాయం.
