ప్రధాని నరేంద్ర మోడీ 75వ పుట్టినరోజు సందర్భంగా తెలుగు సినీ ఇండస్ట్రీ నుంచి అనూహ్యంగా దర్శకధీరుడు రాజమౌళి, సూపర్స్టార్ మహేష్ బాబు విషెస్ తెలిపారు. ఈ ఇద్దరూ కలిసి ఎక్స్లో (X) వీడియోలు షేర్ చేస్తూ మోడీ విజన్, డెవలప్మెంట్పై ప్రశంసలు కురిపించారు.
రాజమౌళి మాట్లాడుతూ “మోడీ గారి నాయకత్వంలో దేశం చాలా మంచి మార్పులు చూస్తోంది. ఆయనకు మంచి ఆరోగ్యం, దీర్ఘాయుష్షు కలగాలని కోరుకుంటున్నాను” అని తెలిపారు. మహేష్ బాబు కూడా మోడీ ఆలోచనలతో తాను ప్రభావితం అయ్యానని, ఆయన అభివృద్ధి దిశలో తీసుకెళ్తున్న అడుగులు తనను ఆకట్టుకున్నాయని పేర్కొన్నారు.
ఇంతకు ముందు మోడీకి బర్త్డే విషెస్ చెప్పని ఈ జంట, ఈసారి ప్రత్యేకంగా వీడియోలు షేర్ చేయడం వెనుక పెద్ద ప్రణాళిక ఉందనే అభిప్రాయాలు వినిపిస్తున్నాయి. త్వరలో రాబోయే రాజమౌళి–మహేష్ పాన్వరల్డ్ సినిమా కోసం దేశీయ, అంతర్జాతీయ స్థాయిలో బజ్ క్రియేట్ చేయాలనే ఉద్దేశంతోనే ఈ విషెస్ ఇచ్చారని కొందరు విశ్లేషకుల అభిప్రాయం.
ఏదేమైనా, ఈ వీడియోలు సోషల్ మీడియాలో సంచలనంగా మారి అభిమానుల్లో చర్చనీయాంశమయ్యాయి.https://x.com/ssrajamouli/status/1968170723673010520
