సీనియర్ జర్నలిస్ట్ కొమ్మినేని శ్రీనివాసరావుకు బెయిల్ రావడాన్ని ఏబీఎన్ ఆంధ్రజ్యోతి జర్నలిస్ట్ వెంకటకృష్ణను తీవ్రంగా కలచివేసినట్లు కనిపిస్తోంది. ముఖ్యంగా సాక్షి జర్నలిస్ట్ కు బెయిల్ రావడం.. కూటమి ప్రభుత్వాన్ని సుప్రీంకోర్టు మందలించడం వంటి అంశాలు ఆయన్ను బాగా బాధపెట్టినట్లు సమాచారం. ఈ పరిణామాలపై ఆయన స్పందించిన తీరు ప్రస్తుతం సోషల్ మీడియాలో వైరల్ అవుతోంది.
ఏబీఎన్ లో చర్చా కార్యక్రమం సందర్భంగా కొమ్మినేనికి బెయిల్ వస్తే వైసీపీ సంబరాలు చేసుకోవడం, అలాగే కూటమి ప్రభుత్వానికి సుప్రీంకోర్టు చీవాట్లతో తమ పరువు పోయిందని వెంకటకృష్ణ తీవ్ర ఆవేదన వ్యక్తం చేశారు. ఆయన పడ్డ బాధ, ఆవేదనతో కూడిన వీడియో నెటిజన్లను ఆకట్టుకుంటోంది. ఈ వీడియోలో వెంకటకృష్ణ ముఖంలో కనిపించిన నిరాశ, కోపంతో కూడిన భావోద్వేగాలు చర్చనీయాంశంగా మారాయి.
నెటిజన్లు ఈ వీడియోపై రకరకాలుగా స్పందిస్తున్నారు. “ఆ ఏడుపు మాత్రం నభూతో నభవిష్యత్…. అదిరిపోయింది ఈ వీడియో” అంటూ పలువురు కామెంట్లు చేస్తున్నారు. వెంకటకృష్ణ వ్యక్తం చేసిన భావోద్వేగాలు, ముఖ్యంగా ఆయన ముఖంలో కనిపించిన అసహనం, నిరాశ అందరి దృష్టిని ఆకర్షిస్తున్నాయి. ఈ సంఘటన తెలుగు మీడియా వర్గాల్లోనూ, రాజకీయ వర్గాల్లోనూ చర్చనీయాంశంగా మారింది.
వీడియో కోసం క్లిక్ చేయండి
