‘అఖండ 2’ విడుదలపై పెద్ద సందిగ్ధత నెలకొంది. బాలకృష్ణ – బోయపాటి శ్రీను కాంబినేషన్లో వచ్చిన ఈ భారీ చిత్రానికి భారీ అంచనాలు ఉన్నప్పటికీ, చివరి నిమిషంలో ఆర్ధిక ఇబ్బందులు ఎదురుకావడంతో ప్రీమియర్ షోస్ మాత్రమే కాదు, థియేట్రికల్ రిలీజ్ కూడా అనుమానాస్పదంగా మారింది.
సమాచారం ప్రకారం, నిర్మాతలు 14 రీల్స్ సంస్థకు పాతకాలం నుంచి ఉన్న ఫైనాన్షియల్ బకాయిలే ప్రధాన సమస్యగా చెప్పుకుంటున్నారు. గతంలో మహేష్ బాబు హీరోగా వచ్చిన 1 నేనొక్కడినే మరియు ఆగడు చిత్రాలను 14 రీల్స్ – EROS కలిసి నిర్మించగా, భారీ నష్టాలు చవిచూశారు. ఆ ఒప్పందం ప్రకారం 14 రీల్స్ సంస్థ EROSకు సుమారు 28 కోట్ల రూపాయల బకాయి చెల్లించాల్సి ఉంది. అయితే ఆ మొత్తం ఇంతవరకు క్లియర్ కాలేదని తెలుస్తోంది.
EROSతోపాటు IVY ఎంటర్టైన్మెంట్స్ సహా మరో మూడు సంస్థలకు కూడా బకాయిలు ఉన్నట్లు టాక్. మొత్తం కలిపి సుమారు 60 కోట్ల బకాయి తీర్చకపోతే ‘అఖండ 2’ ప్రపంచవ్యాప్తంగా విడుదల కాని పరిస్థితి కనిపిస్తోంది.
ఇక అభిమానుల ఆశలు మాత్రం ప్రీమియర్ షోస్ క్యాన్సిలేషన్తో కుంగిపోయాయి. ఈరోజు రాత్రికే సమస్యలు పరిష్కరించే అవకాశం చాలా తక్కువగా ఉందని ట్రేడ్ టాక్స్ చెబుతున్నాయి. బాలకృష్ణ స్వయంగా రంగంలోకి దిగితే లేదా ప్రభుత్వ స్థాయిలో జోక్యం జరిగితే మాత్రమే ఈ సమస్య కొలిక్కి రావచ్చని అంటున్నారు పరిశ్రమ వర్గాలు.
ఇప్పుడు చూడాల్సిందల్లా అఖండ 2 ఈ వారం విడుదల అవుతుందా? లేదంటే పూర్తిగా వాయిదాపడుతుందా? అని.. అభిమానులు మాత్రం రిలీజుకు గ్రీన్ సిగ్నల్ రావాలని ఆతృతగా ఎదురుచూస్తున్నారు.
https://x.com/AndhraBoxOffice/status/1996566097496285537?t=ZSw2uyRnS8EyX0eA6JaJCA&s=08
