బాలకృష్ణ హీరోగా, బోయపాటి శ్రీను దర్శకత్వంలో రూపొందిన ‘అఖండ 2’ చిత్రం ఈరోజు విడుదల కావాల్సి ఉండగా హఠాత్తుగా వాయిదా పడింది. నిర్మాణ సంస్థ 14 రీల్స్కి సంబంధించిన పాత ఫైనాన్షియల్ బకాయిలు ఇంకా క్లియర్ కాకపోవడంతో రిలీజ్ నిలిపివేసినట్లు పరిశ్రమ వర్గాలు వెల్లడిస్తున్నాయి.
టెక్నీషియన్లకు, అలాగే ఇతర ప్రొడక్షన్ హౌస్లకు చెల్లింపులు పూర్తికాలేదనే కారణంతో సినిమాను ముందుకు నెట్టివేశారు. విడుదల వాయిదా పడటంతో అభిమానులు తీవ్ర నిరాశకు లోనవుతున్నారు. కొత్త రిలీజ్ తేదీపై మాత్రం ఇంకా స్పష్టత ఇవ్వలేదు.
సినిమా తర్వాత ఎప్పుడు రిలీజ్ అవుతుందో ఇప్పటివరకు అధికారిక ప్రకటన రాలేదు. అన్ని బకాయిలను క్లియర్ చేసిన తర్వాతే కొత్త రిలీజ్ డేట్ ప్రకటించే అవకాశముందని ఇండస్ట్రీ టాక్.
అంతేకాదు, ఈ సంవత్సరం పవన్ కళ్యాణ్ నటించిన ‘హరిహర వీరమల్లు’ పలుమార్లు వాయిదా పడుతూనే ఉండటం వల్ల సినిమా మీద ఆసక్తి తగ్గిపోయి, కలెక్షన్లపై తీవ్ర ప్రభావం పడింది. ఇదే పరిస్థితి ‘అఖండ 2’కి రాకూడదనే ఆందోళన అభిమానుల్లో స్పష్టంగా కనిపిస్తోంది.
సినిమా మేధావులు కూడా ఒక మాటే చెబుతున్నారు.
“అఖండ 2 భారీ బడ్జెట్ సినిమా. ఇలాంటి ప్రాజెక్ట్లకు ఫైనాన్షియల్ ప్లానింగ్ ముందుగానే పూర్తయ్యాలి. లేదంటే నష్టాలే ఎక్కువ.”
