దెయ్యాలు వేదాలు వల్లించడం అంటే ఇదే మరీ.. సినిమాలు కాపీ కొట్టవద్దని.. అసలు ఎక్కడ నుంచి తీసుకోకుండా క్రియేటివ్ సినిమాలు తీయాలని.. ప్రపంచమంతా మనల్నే చూస్తుందంటూ డిప్యూటీ సీఎం పవన్ గారు పెద్ద పెద్ద స్టేట్ మెంట్లు ఇచ్చారు. ‘హాలీవుడ్ ను అనుకరించడం మానేయాలి. మనదైన సత్తా.. మనదైన కథ.. మనదైన బలం విశ్వానికి చూపించాలి. కాపీ చేద్దామంటే కుదరదని.. ఒరిజినల్ స్టోరీలతో సినిమాలు తీయాలని నిన్న పవన్ కళ్యాణ్ టాలీవుడ్ ఫిల్మ్ మేకర్స్ కు పెద్ద హితబోధ చేశారు.
అయితే ఇప్పుడు ఆయన తీసిన కాటమరాయుడు, తొలి చిత్రాల నుంచి నేటి భీమ్లా నాయక్ వరకూ అన్నీ కాపీ మూవీలే అంటూ నెటిజన్లు ఆధారాలతో సహా నిరూపిస్తున్నారు. కాపీ కొట్టే పవన్ ఎలా కాపీ కొట్టొద్దంటూ ఫిల్మ్ మేకర్స్ కు సూచిస్తాడని సెటైర్లు వేస్తున్నారు.
పవన్ కళ్యాణ్ సినిమాల్లో చాలా వరకూ రిమేక్ సినిమాలే ఉన్నాయి. కెరీర్ ఆరంభం నుంచి నిన్నమొన్నటి భీమ్లా నాయక్ వరకూ పవన్ కళ్యాణ్ రిమేక్ సినిమాలే తీశారు.
‘బ్రో ’ మూవీని తమిళ ‘వినోదయ సీతం’ రిమేక్ గా తీశారు. భీమ్లా నాయక్ మూవీని మలయాళ సినిమాకు కాపీగా తీశారు. హిందీలో హిట్ అయిన పింక్ మూవీని తెలుగులో ‘వకీల్ సాబ్’ గా మలిచారు. ఫ్యాన్స్ లార్గో విచ్ మూవీని ‘అజ్ఞాతవాసి’గా అనుకరించారు. తమిళ వీరమ్ మూవీని తెలుగులో కాటమరాయుడిగా కాపీ కొట్టారు. హిందీలో హిట్టైన ఓమై గాడ్ మూవీని తెలుగులో గోపాల గోపాలగా మలిచారు.
ఇక ఖుషీ, గోపాల గోపాల, అన్నవరం, జల్సా, , స్వయంవరం లాంటి సినిమాలన్నీ కూడా రిమేక్ లే. తన కెరీర్ లో హిట్ గా నిలిచిన వన్నీ కాపీ సినిమాలే. అలా పవన్ కాపీ సినిమాలు తీస్తూ ఇలా చెప్పడం ఏంటని అందరూ నిలదీస్తున్న పరిస్థితి నెలకొంది.
