ఆంధ్రప్రదేశ్ రాజకీయాల్లో డిప్యూటీ సీఎం హోదా దక్కించుకున్న టాలీవుడ్ స్టార్ హీరో పవన్ కళ్యాణ్ పై అభిమానుల మోజు ఏ స్థాయిలో ఉందో చెప్పాల్సిన పనిలేదు. ఆయన ప్రతి అడుగుకూ అభిమానులు సంబరాలు చేసుకుంటుంటారు. అదే జోష్లో కొంతమంది తమదైన శైలిలో ఆయనపై అభిమానాన్ని చాటుకుంటుంటారు.
తాజాగా ఓ మహిళా అభిమాని పవన్ కళ్యాణ్ పై తన అభిమానాన్ని మరోసారి చూపించింది. తన గార్ధాభ స్వరంతో, ఎటువంటి సవరణలు లేకుండా పూర్తిగా తన సహజమైన గొంతుతో పాడిన పాట ఇప్పుడు సోషల్ మీడియాలో వైరల్ అవుతోంది.
ఆమె పాడిన పాటలో పవన్ కళ్యాణ్ సినిమాలు వరుసగా ప్రస్తావిస్తూ, ఆయన రాజకీయ ప్రస్థానం, ప్రజలతో ఉన్న అనుబంధం, భవిష్యత్ నాయకత్వం అన్నీ పేరడీ తరహాలో వినిపించాయి. పాటలో ఉన్న భావం పవన్ను పొగడ్తలతో ముంచెత్తేలా ఉండగా.. ఆమె స్వరం మాత్రం వినేవారిని నవ్వుల్లో ముంచెత్తుతోంది.
ఇప్పుడు ఆ వీడియో సోషల్ మీడియాలో షేర్ అవుతూనే, నెటిజన్లు తమదైన స్టైల్లో రియాక్ట్ అవుతున్నారు. “మళ్లీ వచ్చావా అక్కా..” అంటూ సెటైర్లు వేస్తూ కామెంట్లతో ఫ్లడ్ చేస్తున్నారు. కొందరు అయితే, “అక్కా పాడిన ఈ పాటే పవన్ అభిమానుల నిజమైన జోష్” అని చెప్పుకుంటుంటే.. మరికొందరు మాత్రం మీమ్స్తో ఆమెను ట్రోల్ చేస్తున్నారు.
అయితే ఎన్ని జోకులు పడ్డా.. ఆమె పాడిన పాట పవన్ అభిమానుల్లో వైరల్ అవుతూనే ఉంది. దీనితో పవర్స్టార్ అభిమానుల పిచ్చి, వారి క్రియేటివిటీ మరోసారి హాట్ టాపిక్గా మారింది.
