నందమూరి బాలకృష్ణ పుట్టినరోజు వేడుకలు అభిమానుల సమక్షంలో ఘనంగా జరిగాయి. ఈ సందర్భంగా బాలయ్య నటించిన ‘అఖండ 2’ మూవీ టీజర్ విడుదల కార్యక్రమం ఆకట్టుకుంది. అయితే ఈ వేడుకలో జరిగిన ఒక అనూహ్య సంఘటన ఇప్పుడు సోషల్ మీడియాలో వైరల్ అవుతోంది.
టీజర్ విడుదల సందర్భంగా బాలయ్య పెట్టుకున్న మీసాలు ఊడిపోయాయి. దీంతో ఆయన “గమ్ ఏదిరా బాబూ” అంటూ లైవ్లో అడగడం అందరినీ ఆశ్చర్యపరిచింది. ఈ వీడియో ప్రస్తుతం నెట్టింట చక్కర్లు కొడుతోంది.
ఈ సంఘటనపై నెటిజన్లు రకరకాలుగా స్పందిస్తున్నారు. బాలయ్య తన అసలైన మీసాలు, గడ్డం తీసేసి, విగ్గు, మీసాలు తగిలించుకున్నాడని, అందుకే ఇలా జరిగిందని కామెంట్స్ చేస్తున్నారు. ఈ వీడియోను విపరీతంగా షేర్ చేస్తూ, మీమ్స్ కూడా సృష్టిస్తున్నారు. ఏదేమైనా, ఈ ఘటన బాలయ్య పుట్టినరోజు వేడుకలకు ఒక ప్రత్యేక ఆకర్షణగా మారింది.
