స్టార్ మా ప్రేక్షకులు ఎంతో ఆసక్తిగా ఎదురుచూస్తున్న ‘బిగ్ బాస్ సీజన్ 9’ రేపు గ్రాండ్‌గా ఆరంభం కానుంది. ఇప్పటికే కంటెస్టెంట్స్ జాబితా సోషల్ మీడియాలో వైరల్ అవుతోంది. జబర్దస్త్ ఇమ్మానుయేల్, తనూజ గౌడ, రీతూ చౌదరి, శ్రేష్టి వర్మ, భరణి శంకర్, రాము రాథోడ్, సంజన గల్రాని, ఆశా షైనీ, సుమన్ శెట్టి పేర్లు బయటకు వచ్చాయి. అయితే పదవ కంటెస్టెంట్ పేరు మాత్రం సస్పెన్స్‌గా ఉంచారు.
ప్రత్యేక ఆకర్షణగా సీజన్ 7 నుండి అమర్ దీప్, విష్ణు ప్రియ మరియు సీజన్ 8 నుండి ప్రియాంక జైన్ హౌస్‌లోకి అడుగుపెట్టబోతున్నారు. అయితే వీళ్ళు కంటెస్టెంట్స్‌గా కాదు, ప్రేక్షకులకు హౌస్ టూర్ చూపించే గెస్ట్‌లుగా మాత్రమే కనిపించనున్నారు.
గత సీజన్‌లో పాత కంటెస్టెంట్స్ రాకతో షోకి మంచి కంటెంట్ రావడంతో, ఈ సీజన్‌లో కూడా అలాంటి అవకాశాలు ఉన్నాయా అన్న ఆసక్తి పెరుగుతోంది. ఒకవేళ షో బోరు కొడితే, నాలుగు వారాల తర్వాత వైల్డ్ కార్డు ఎంట్రీలుగా పాత కంటెస్టెంట్స్ వచ్చే అవకాశం ఉందని టాక్.
రేపటి ఎపిసోడ్‌తో ఈ సీజన్ ఏ మేరకు ఆకట్టుకుంటుందో చూడాలి.
