టెలివిజన్ ప్రేక్షకులను ఏకకాలంలో ఆకట్టుకునే రియాల్టీ షోల్లో బిగ్ బాస్ ఎప్పుడూ ముందే ఉంటుంది. ఇప్పటికే ఎనిమిది సీజన్లను విజయవంతంగా పూర్తి చేసిన ఈ షో, తొమ్మిదో సీజన్‌ను గ్రాండ్‌గా ప్రారంభించింది.
ఇక రెండో రోజు ఎపిసోడ్‌లో కొందరు కంటెస్టెంట్స్ ప్రత్యేకంగా నిలిచారు. ముఖ్యంగా రీతూ చౌదరి మరియు రాము రాథోడ్ నిజాయితీతో గేమ్ ఆడుతున్నట్టుగా కనిపించారు. రాము రాథోడ్ ఇంటి పనులు చేస్తూ – బట్టలు ఉతకడం, ఐరన్ చేయడం – ఇతరులకు సహాయం చేశాడు. అలాగే రీతూ చౌదరి కూడా ప్లేట్స్ క్లీన్ చేస్తూ తన ఆటను తనదైన స్టైల్లో కొనసాగించింది. వీరిద్దరూ నటన లేకుండా సహజంగా మెలగడం ప్రేక్షకుల మనసును గెలుచుకుంది.
ఇక మరికొందరు మాత్రం స్ట్రాటజీలతో ముందుకు రావాలని ప్రయత్నం చేస్తూ కనిపించారు. అయినప్పటికీ, బిగ్ బాస్ మొదలై రెండు రోజులు మాత్రమే కావడంతో ఎవరు ఏ విధంగా ఆటతీరును కొనసాగిస్తారో చెప్పడం ఇప్పుడే కష్టమే.
అయితే, రీతూ చౌదరి, రాము రాథోడ్ మొదటి ఇంప్రెషన్‌లోనే మంచి గుర్తింపు తెచ్చుకున్నారు. ఇదే ఫామ్ కొనసాగించి, టాస్క్‌లలో సక్సెస్ సాధిస్తే, వీళ్లిద్దరూ చివరిదాకా వెళ్లే అవకాశాలున్నాయని భావిస్తున్నారు. ఇక మరో వైపు, మొదటి వారం ఎలిమినేషన్ ఎవరి మీద పడుతుందన్న ఆసక్తి మాత్రం పెరిగిపోతోంది.
