ఆంధ్రజ్యోతి ఎండీ రాధాకృష్ణ (ఆర్కే)పై బీఆర్ఎస్ నాయకులు మరోసారి తీవ్రస్థాయిలో విరుచుకుపడ్డారు. ముఖ్యంగా, బీఆర్ఎస్ మాజీ మంత్రి జగదీష్ రెడ్డి ఆర్కేకు సంచలన హెచ్చరికలు జారీ చేశారు. ఆంధ్రజ్యోతి పత్రిక తెలంగాణ రాష్ట్రంపై, బీఆర్ఎస్ ప్రభుత్వంపై అనేకసార్లు “విషపు రాతలు” రాసిందని, “విషం చిమ్మిందని” జగదీష్ రెడ్డి ఆరోపించారు.
గతంలో బీఆర్ఎస్ ప్రభుత్వ హయాంలోనే ఆర్కేను అసెంబ్లీకి పిలిపించి జైలుకు పంపాలని పార్టీలో చర్చ జరిగిందని, అయితే అప్పటి ముఖ్యమంత్రి కేసీఆర్ అందుకు అంగీకరించలేదని జగదీష్ రెడ్డి వెల్లడించారు. “జైలుకు పంపకుండా తప్పు చేశాం” అని ఆయన పరోక్షంగా అంగీకరించారు.
అయితే, రాబోయే ఎన్నికల్లో బీఆర్ఎస్ పార్టీ గెలిస్తే మాత్రం రాధాకృష్ణను జైలుకు పంపకుండా వదలమని జగదీష్ రెడ్డి సంచలన హెచ్చరిక చేశారు. ఈ వ్యాఖ్యలు రాజకీయ వర్గాల్లో తీవ్ర చర్చనీయాంశంగా మారాయి. మీడియా స్వేచ్ఛపై ఈ వ్యాఖ్యలు ఎలాంటి ప్రభావం చూపుతాయో చూడాలి.
వీడియో కోసం క్లిక్ చేయండి
