మొంథా తుఫాన్ రాష్ట్రాన్ని వణికించినప్పటికీ, కొందరు మీడియా ఛానళ్లకు మాత్రం ఆ విపత్తులో కూడా ‘పబ్లిసిటీ తుఫాన్’ ఆగలేదు. ముఖ్యమంత్రి చంద్రబాబు నాయుడి నాయకత్వాన్ని ప్రశంసించడంలో ఎల్లో మీడియా అంతా పోటీ పడ్డట్టుగా కనిపించింది.
తుఫాన్ కంటికి రెప్పలా ఉన్న సమయంలో కూడా బాబు నిద్రపోలేదట, ఇతరులనూ నిద్రపోనివ్వలేదట! ఈ లైన్తో మొదలైన హైప్ సోషల్ మీడియాలో ఘోరమైన ట్రోల్స్కి దారి తీసింది. టీవీ5, ఏబీఎన్, మహా టీవీల యాంకర్లు, రిపోర్టర్లు ఒక్కొక్కరు ఒక్కో ఎలివేషన్ ఇచ్చి బాబు గారిని ఆకాశానికెత్తేశారు.
“మొంథా తుఫాన్ ముందు బాబు గారి దారుణం చూసి తుఫాన్ మోకరిల్లింది!” అంటూ టీవీ5 బానర్లు మార్మోగాయి.అదే సమయంలో ఏబీఎన్ వెంకటకృష్ణ కూడా తగ్గకుండా చంద్రబాబు యొక్క విజన్, ఆర్గనైజేషన్ స్కిల్స్ గురించి విశేషంగా చెప్పాడు. మహా టీవీ యాంకర్ వంశీ కూడా తన శైలిలో బాబు గారి నాయకత్వాన్ని ఆరాధించాడు.
ఇంతలో టీవీ5 సీనియర్ జర్నలిస్ట్ సాంబశివరావు కూడా ఎంట్రీ ఇచ్చి “చంద్రబాబు కుదిరి ఉంటే తుఫాన్నే వెనక్కి తిప్పి పంపేవాడు” అంటూ మాటల తుఫాన్ సృష్టించారు! ఆఖరికి మూర్తి కూడా రంగంలోకి దిగి మరో రౌండ్ వేసేశాడు — “ఇంతటి సంక్షోభంలో కూడా సీఎం గారి ధైర్యం అందరికీ స్ఫూర్తి” అంటూ బాబు భజనలో తన వంతు వేశారు.
సోషల్ మీడియాలో మాత్రం వీరందరిపైనా ట్రోల్స్ వర్షం కురిసింది. “ఇది వార్తా ప్రసారం కాదు, భజన కార్యక్రమం!” అంటూ నెటిజన్లు కామెంట్లు కురిపించారు.
మొత్తానికి మొంథా తుఫాన్ తర్వాత నిజమైన ‘మీడియా తుఫాన్’ ఎల్లో మీడియా స్టూడియోలలోనే వీచింది. బాబు గారిని ఎత్తడంలో ఎవరు ముందుండాలా అనే రేసు మొదలైపోయింది. కానీ ప్రజల దగ్గర మాత్రం ప్రశ్న ఒకటే “ఇది జర్నలిజమా.. లేక పబ్లిసిటీ భజనా?”
