వైఎస్ జగన్ పాలనలో చేస్తే అది వ్యభిచారం అన్నట్టు ప్రొజెక్ట్ చేసిన పవన్ కళ్యాణ్ ఇప్పుడు తమ పాలనలో మాత్రం సంసారం చేస్తున్నామని.. పద్ధతిగా ఉంటామంటూ లెక్చర్లు ఇచ్చేస్తున్నాడు. జగన్ పాలనలో రెచ్చిపోయిన రచ్చ చేసిన పవన్.. ఇప్పుడు వాస్తవంలో మాత్రం పనులు మెల్లగా జరుగుతాయని సహకరించాలని చెప్పడం కొసమెరుపు.. దీంతో ‘కమలాసన్..’ అంటూ పవన్ వీడియోను నెటిజన్లు ట్రోల్స్ చేస్తున్న పరిస్థితి నెలకొంది.
ఎన్నికల ముందర వైఎస్ జగన్ పాలనలో ఇదే పవన్ కళ్యాణ్ సభలు, సమావేశాల్లో ఎలా ఊగిపోయారో మనం అందరం చూశాం.. ఆవేశపు డైలాగులు.. మీసం మెలేయడాలు.. గొంతు చించుకొని అరవడాలు.. తొడగొట్టడాలు.. నడిరోడ్డు మీద సైతం ఊగిపోయేవాడు. అలాంటి పవన్ కళ్యాన్ ఇప్పుడు అధికారంలోకి రాగానే మారిపోయాడు.
నాటి పవన్ కళ్యాన్ యేనా? అన్నంత మారిపోయాడు. ఎంతలా అంటే ‘నాడు ఊగిపోయిన పవన్.. నేడు ఊగకుండా అసలు వాస్తవంలోకి వచ్చాడు. తనను ఊగిపోయేలా చేసిన జనానికే హితబోధ చేస్తున్నాడు. ఇటీవలే ప్రజలు తిడుతున్నారు.. అంటూ వాపోయిన పవన్ కళ్యాణ్.. జగన్ పాలనలో జరిగిన అత్యాచారాలకు కారణం ప్రభుత్వం అని.. తమ పాలనలో జరిగితే మాత్రం అది కొందరు దుర్మార్గులు చేసిన పాడుపడి అంటూ వెనకేసుకొచ్చాడు. దీంతో సోషల్ మీడియాలో పవన్ తీరుపై సెటైర్లు పడుతున్నాయి.
తాజాగా విశాఖ మన్యంలో రోడ్డు వేయించిన పవన్ అక్కడ పర్యటిస్తూ.. తనను సినిమా హీరోలా అది చేయవద్దు ఇది చేయవద్దు అంటూ ప్రజలకే క్లాస్ పీకాడు. అభిమానులకు చురకలు పెట్టిన డిప్యూటీ సీఎం పవన్ కళ్యాణ్.. ‘‘నన్ను పని చేసుకోనివ్వండి.. నేను బయటికొస్తే నా మీద పడిపోతే నేను ఏ పని చేయలేను. OG OG అని అరిస్తే పనులు జరగవు.. సీఎం సీఎం అంటారు, డిప్యూటీ సీఎం అయ్యాను కదా.. సినిమాల మోజులో పడి హీరోలకు జేజేలు కొట్టి మీ జీవితంలో బాధ్యతలు మర్చిపోతున్నారు. మాట్లాడితే మీసం తిప్పు, మీసం తిప్పు అంటారు.. నేను మీసం తిప్పితేనో, ఛాతిలు కొట్టుకుంటేనో పనులు జరగవు’ అంటూ ఇప్పుడు అసలు వాస్తవంలోకి వచ్చాడు ఏపీ డిప్యూటీ సీఎం పవన్ కళ్యాణ్.
