నీతి నిజాయితీ రాజకీయాలు చేస్తానని.. ప్రశ్నిస్తానంటూ ముందుకొచ్చిన పవన్ కళ్యాణ్ ఎట్టకేలకు ఎమ్మెల్యేగా గెలిచి మంత్రి కూడా అయ్యారు. అయితే ఆయన ఎంత నిజాయితీ మాటలు చెప్పినా.. స్వయానా ఆయన శాఖలోనే అవినీతి రాజ్యమేలుతుండడం గమనార్హం.
తాజాగా పవన్ కళ్యాణ్ ప్రాతినిధ్యం వహిస్తున్న పిఠాపురం నియోజకవర్గంలోనే ఓ అవినీతి దందా వెలుగుచూడడం అందరినీ విస్మయానికి గురిచేస్తోంది. తాజాగా పిఠాపురం నియోజకవర్గంలోని రావూరివాండ్ల పల్లె,కాయల వాండ్లపల్లెలో అడవి పంది మాసం విక్రయాలు జరుగుతున్నాయని అటవీ శాఖ సెక్షన్ ఆఫీసర్ ముబీన్ తాజ్, ఫారెస్ట్ గార్డ్ ప్రకాష్,గోపాల్ అక్కడికి చేరుకున్నారు.
ఎవరైతే అడవిపందులను విక్రయించేవారు ఉన్నారో వారి వద్ద అటవీ శాఖ అధికారులు రూ.5 లక్షల డిమాండ్ చేశారు. ఈ మేరకు బాధితులే స్వయంగా వీడియోను కూడా రిలీజ్ చేయడం సంచలనమైంది. కేసు నమోదు చేయకుండా ఉండాలంటే రూ. 5 లక్షలు ఇవ్వాలని .. లేకపోతే కేసు బుక్ చేస్తామని బెదిరించినట్లుగా వారు వాపోయారు. ఈ మేరకు బాధితులు అధికారుల లంచం వీడియోను రిలీజ్ చేసి సంచలనం సృష్టించారు. మరి తన శాఖలో జరుగుతున్న ఈ అవినీతి దందాపై డిప్యూటీ సీఎం పవన్ ఎలా స్పందిస్తాడు? ఎలాంటి చర్యలు తీసుకుంటాడన్నది వేచిచూడాలి.
