తన కుమారుడు సజ్జల భార్గవ్ పై లిక్కర్‌ స్కాం పేరుతో జరుగుతున్న ఆరోపణలకు వైసీపీ సీనియర్‌ నేత సజ్జల రామకృష్ణారెడ్డి పై ఘాటుగా ప్రతిస్పందించారు. కనీసం బ్యాంకు ఖాతా కూడా లేని ఒక కంపెనీకి డబ్బులు ఎలా వెళ్తాయి? అని ఆయన ప్రశ్నించారు.
అసలు లేని లిక్కర్‌ స్కాంను సృష్టించి, దానిలో తన కుమారుడు భార్గవ్ పేరు లాగుతూ ఈనాడు, ఆంధ్రజ్యోతి పత్రికలు రోజూ విషపు కథలు రాస్తున్నాయని సజ్జల మండిపడ్డారు. ఇవన్నీ చంద్రబాబు నాయుడు కుట్రలలో భాగమే అని ఆయన ఆరోపించారు. ప్రజల్లో అపోహలు సృష్టించి, ప్రభుత్వం మీద అనుమానాలు కలిగించాలన్న ఉద్దేశంతోనే ఈ వార్తలను పత్రికలు పక్కా ప్లాన్‌తో ప్రచురిస్తున్నాయని సజ్జల విమర్శించారు.
“నిజం లేని ఆరోపణలతో ప్రజలను తప్పుదోవ పట్టించడం, ప్రతిపక్షం చేసే అత్యంత హీనమైన రాజకీయాలు” అని సజ్జల వ్యాఖ్యానించారు. లేని స్కాంల మీద ప్రతిరోజూ కల్పిత కథలు రాసి ప్రజల్లో విషం నింపాలని చంద్రబాబు ప్రయత్నిస్తున్నారని ఆయన ధ్వజమెత్తారు.
ప్రజలు ఈ అబద్ధపు ప్రచారాన్ని నమ్మరని, వాస్తవాన్ని బహిర్గతం చేసే శక్తి తమకుందని సజ్జల స్పష్టం చేశారు. “లేని విషయాల్లో నన్ను, నా కుటుంబాన్ని లాగడం అంటే రాజకీయ దౌర్భాగ్యం తప్ప మరేమీ కాదు” అని ఆయన తేల్చిచెప్పారు.
మొత్తంగా లేని లిక్కర్‌ స్కాంలను ఆధారంగా చేసుకుని ప్రతిపక్షం చేసే విషప్రచారం ప్రజలకు అసలు నిజం ఏమిటో చూపిస్తూనే ఉందని వైసీపీ నేతలు అంటున్నారు.
