ప్రస్తుతం పుష్ప2 మేనియా నడుస్తోంది. దిగ్గజ స్టార్ అల్లు అర్జున్, క్రేజీ డైరెక్టర్ సుకుమార్ దర్శకత్వంలో తెరకెక్కిన ఈ సినిమా ఈరోజు దేశవ్యాప్తంగా విడుదలైంది. ఈ చిత్రం బాక్సాఫీస్ వద్ద విజయం సాధించింది. నిన్న రాత్రి ప్రీమియర్ ప్రదర్శనలు ప్రారంభమయ్యాయి. థియేటర్లలో కూడా సందడి మొదలైంది. మంచి టాక్ అందుకుంది. ఈ చిత్రానికి సంబంధించిన సమీక్షలు కూడా బాగున్నాయి.
ఈ సినిమా విజయం వెనుక వైసీపీ శ్రేణులే ఉండటం గమనార్హం. ఈ సినిమాను తన భుజాలపై వేసుకున్నట్లు తెలుస్తోంది. వైసీపీ మాజీ మంత్రి అంబటి రాంబాబు ఏకంగా సినిమాకు రివ్యూ ఇచ్చేశాడు. “పుష్ప” అంటే వైల్డ్ ఫైర్ కాదు..” “వరల్డ్ ఫైర్ ” అని తన ట్విట్టర్ లో రాసుకొచ్చాడు.. గత రాత్రి సినిమాచూసి ట్వీట్టర్ లో వీడియోను పోస్ట్ చేశాడు. ప్రతి ఒక్కరూ ఈ చిత్రాన్ని చూసి ఆదరించాలని కోరారు. వైసీపీ సోషల్ మీడియాలో ఈ ఘటన వైరల్‌గా మారింది.
వైసీపీ ఇప్పుడు పుష్ప2 ను ఓన్ చేసుకుంది. హైప్ సృష్టించింది. అలు అర్జున్‌తో పాటు జగన్ ఫోటో ఫెక్సీలను థియేటర్లలో సిద్ధం చేశారు. మీరు మా కోసం రండి, మీ కోసం మేము వస్తాం… మీ ప్రేమ కోసం ఏమైనా చేస్తాం’ అని బన్నీకి మద్దతుగా వైసీపీ అభిమానులు పుష్ప థియేటర్లలో సందడి చేస్తున్నారు.
