పవర్ స్టార్ పవన్ కళ్యాణ్ నటించిన తాజా చిత్రం హరిహర వీరమల్లు అంచనాలకు తగ్గట్టుగా ప్రేక్షకులను అలరించలేకపోయింది. తొలి షో నుంచే ఈ సినిమాకు నెగెటివ్ టాక్ రావడంతో అభిమానులు నిరాశ చెందారు. సినిమా విడుదలైన తర్వాత థియేటర్ల నుంచి ప్రేక్షకులు నిరాశతో బయటకు వస్తున్న దృశ్యాలు, కనీసం రివ్యూ కూడా చెప్పడానికి ఆసక్తి చూపకపోవడం వంటివి సినిమా పరిస్థితిని స్పష్టం చేస్తున్నాయి.
డిజాస్టర్ తర్వాత సక్సెస్ మీట్?
అయితే, ఈ నెగెటివ్ టాక్ మధ్యలో, హరిహర వీరమల్లు చిత్ర యూనిట్ ఈరోజు సాయంత్రం నాలుగు గంటలకు దస్పల్లా హోటల్లో సక్సెస్ మీట్ నిర్వహించడం చర్చనీయాంశంగా మారింది. ఈ మీట్లో పవన్ కళ్యాణ్ సినిమా గురించి మాట్లాడతారని తెలుస్తోంది. గత కొద్ది రోజులుగా పవన్ కళ్యాణ్ సినిమా ప్రమోషన్స్లో చురుకుగా పాల్గొంటున్నారు. సినిమాపై మొదట్లో హైప్ లేకపోవడం వల్లే ప్రమోషన్స్తో భారీ ఓపెనింగ్స్ సాధించాలని చిత్ర యూనిట్ భావించినట్టు తెలుస్తోంది.
నెటిజన్ల ట్రోల్స్
సినిమాకు ఏ ఒక్క రివ్యూవర్ కూడా పాజిటివ్ ఓపీనియన్ ఇవ్వని సందర్భంలో, సినిమా చూసిన ప్రేక్షకులు ఎవరూ కూడా సినిమా సక్సెస్ అని చెప్పని పరిస్థితుల్లో, సక్సెస్ మీట్ నిర్వహించడంపై నెటిజన్లు తీవ్రంగా ట్రోల్ చేస్తున్నారు. “మిమ్మల్ని ఎవరూ ఆపాల్సిన పని లేదు, మార్నింగ్ షోస్కి మీరే ఆగిపోయారు” అంటూ వ్యంగ్యంగా కామెంట్స్ చేస్తున్నారు. “ఇలాంటి మీట్స్ పెట్టి ఎవరి చెవిలో పువ్వులు పెట్టాలనుకుంటున్నారు?” అని ప్రశ్నిస్తున్నారు.
యూనిట్ ఆశలు – విమర్శలు
సినిమా కంటెంట్ బాగున్నా, దాన్ని సరైన రీతిలో ప్రజెంట్ చేయకపోవడం వల్లే నెగెటివ్ రివ్యూలు వచ్చాయని కొంతమంది అభిప్రాయపడుతున్నారు. మొత్తంమీద, సినిమాకు ఏదో ఒకటి చేసి హైప్ తీసుకువచ్చి, పెట్టిన బడ్జెట్ అయినా రికవరీ అవుతుందని చిత్ర యూనిట్ భావిస్తున్నట్టు తెలుస్తోంది. అయితే, బాగాలేని సినిమాకు ఇలాంటి మీట్స్ పెట్టడం ప్రజలను మోసం చేయడమే అవుతుందని మరికొందరు విమర్శిస్తున్నారు.
