ఆంధ్రప్రదేశ్‌లో బల్క్ డ్రగ్ పార్క్‌కు భూముల కేటాయింపు వివాదం మరోసారి తీవ్రతరంగా మారింది. విశాఖపట్నం జిల్లా పందిరి ప్రాంతంలో భూములు ఇవ్వాలని ఒత్తిడి తెస్తున్నారనే ఆరోపణలతో ఓ మహిళ రోడ్డుపై బైఠాయించి ఆవేదన వ్యక్తం చేసింది.
ఆమె మాట్లాడుతూ “బల్క్ డ్రగ్ పార్క్‌కు నా భూములు ఇవ్వమన్నందుకు కక్షపూరితంగా నా ల్యాబ్‌ను అధికారులు సీజ్ చేశారు. దీనికి హోం మంత్రి అనిత గారే కారణం. నేను ప్రశ్నించానన్న ఒక్క కారణంతో రోడ్డుపైకి లాగేశారు. నా ప్రాణానికి, నా కుటుంబానికి హోం మంత్రిదే బాధ్యత,” అని ఆరోపించింది.
మహిళ తన భావోద్వేగాలను వ్యక్తం చేస్తూ “ఒక మహిళ అయి ఉండి ఇలా దుర్మార్గంగా వ్యవహరించడం ఎలా? నా గొంతులో ప్రాణం ఉన్నంతవరకు నా భూమి ఇయ్యను,” అని స్పష్టం చేశారు.
ఈ ఘటనపై స్థానికులు కూడా ఆగ్రహం వ్యక్తం చేస్తూ, మహిళ పట్ల ప్రభుత్వం వ్యవహరిస్తున్న తీరు నిరసనీయమని అంటున్నారు. భూముల కేటాయింపు, ల్యాబ్ సీజ్ చర్యలపై జిల్లా అధికారుల నుంచి ఇంకా అధికారిక స్పష్టీకరణ రాలేదు.
ఇక ఈ ఆరోపణలపై హోం మంత్రి కార్యాలయం స్పందిస్తారా, లేక పరిస్థితి మరింత ఉద్రిక్తత దిశలో సాగుతుందా అన్నది చూడాలి.
https://x.com/JaganannaCNCTS/status/1994341777495445721?s=20
