ఉత్తరాంధ్రలో పార్టీ బలహీనతను సరిదిద్దేందుకు వైఎస్ జగన్‌మోహన్‌రెడ్డి ముందస్తు వ్యూహం రూపొందించారు. 2024లో కేవలం రెండు సీట్లు గెలుచుకోవడం వైసీపీకి పెద్ద షాక్‌గా మారింది. దీంతో 2029లో అధికారం తిరిగి సాధించాలంటే ఉత్తరాంధ్రలో కనీసం 20 సీట్లు గెలవాలని జగన్ లక్ష్యంగా పెట్టుకున్నారు.
ఈ దిశగా బొత్స సత్యనారాయణ, ధర్మాన ప్రసాదరావు, తమ్మినేని సీతారాం వంటి సీనియర్ నేతలను మళ్లీ యాక్టివ్ చేస్తున్నారు. ప్రజా సమస్యలపై పోరాటాలకు శ్రీకారం చుడుతూ, ప్రభుత్వ మెడికల్ కాలేజీల ప్రైవేటీకరణకు వ్యతిరేకంగా నర్సీపట్నంలో ఆందోళన చేయాలని నిర్ణయించారు.
విశాఖలో జరుగుతున్న పరిశ్రమల ఏర్పాటు, పెట్టుబడులపై వైసీపీ దృష్టి సారించింది. ఉత్తరాంధ్రలో మళ్లీ పునాదులు బలపరిస్తేనే పార్టీకి అధికారంలోకి వచ్చే అవకాశం ఉందని జగన్ భావిస్తున్నారు.
మొత్తానికి, ఉత్తరాంధ్రలో వైసీపీ పునరుద్ధరణపై జగన్ చేసిన ప్లాన్ ఎంతవరకు ఫలిస్తుందో రాబోయే రోజులు నిర్ణయిస్తాయి. కానీ ఒక విషయం మాత్రం ఖాయం 2029 ఎన్నికల దిశగా జగన్ గడియారం టిక్‌టిక్‌మంటూ ముందే మొదలైంది.
