వైఎస్‌ఆర్‌ కాంగ్రెస్‌ ప్రభుత్వ హయాంలో కీలక పదవులను అనుభవించి, గౌరవాన్ని పొందిన ఎంతో మంది నాయకులు గడిచిన సార్వత్రిక ఎన్నికలకు ముందు పార్టీ మారిపోయారు. జగన్మోహన్‌రెడ్డితోపాటు పార్టీ ఎంతో గౌరవాన్ని కల్పించడంతోపాటు పదవులను అందించింది. అయితే, వ్యక్తిగత స్వలాభం కోసం పలువురు పార్టీని వీడి వెళ్లిపోయారు. వీరిలో కొందరు. టీడీపీలో చేరగా, మరికొందరు జనసేనలో చేరారు. అటువంటి నేతలంతా ఇప్పుడు ఆయా పార్టీల్లో తీవ్రమైన అవమానాలను ఎదుర్కొంటున్నారు. రెండు రోజులు కిందట జరిగిన సమావేశంలో బాలినేని శ్రీనివాసరెడ్డిని తీవ్రస్థాయిలో అవమానించేలా ప్రకాశం జిల్లాకు చెందిన కూటమి నేతలు వ్యవహరించగా, ఇప్పుడు నెల్లూరు ఎంపీ వేమిరెడ్డి ప్రభాకర్‌ రెడ్డికి అటువంటి పరిస్థితే ఎదురైంది. నెల్లూరు జిల్లాకు సంబంధించిన సమావేశాన్ని తాజాగా నిర్వహించారు. ఈ సమావేశానికి మంత్రులు నారాయణ, ఆనం రామనారాయణరెడ్డితోపాటు ఇతర ప్రజాప్రతినిధులు, ఎంపీ వేమిరెడ్డి ప్రభాకర్‌రెడ్డి హాజరయ్యారు. సమావేశంలో పాల్గొన్న ఎంపీ వేమిరెడ్డి ప్రభాకర్‌రెడ్డి కొద్దిసేపు కూర్చుని ఒక్కసారిగా కోపంతో బయటకు వెళ్లిపోయారు.
ఆయన వెంట మంత్రి ఆనం రామనారాయణ రెడ్డి కూడా పరుగున వెళ్లారు. స్పీడ్‌గా వెళ్లి కారు ఎక్కిన వేమిరెడ్డి ప్రభాకర్‌రెడ్డి కోపంతో ఊగిపోయారు. ఇటువంటి మీటింగ్లకు తానెప్పుడూ హాజరుకాబోనంటూ స్పష్టం చేశారు. కనీసం గౌరవం ఇవ్వకుండా మీటింగ్లు నిర్వహిస్తారా..? అంటూ ఆగ్రహాన్ని వ్యక్తం చేసిన.. ఇంకెప్పుడు ఇటువంటి సమావేశాలకు రాబోనంటూ స్పష్టం చేసి వెళ్లిపోయారు. మంత్రి ఆనం రామనారాయణరెడ్డి ఆయన్ను బతిమిలాడినా ప్రయోజనం లేకుండా పోయింది. కారు ఎక్కి వెళ్లిపోయారు. ప్రస్తుతం ఈ వీడియో సామాజిక మాధ్యమాల్లో తెగ వైరల్‌ అవుతోంది. జగన్‌పై అలిగి వెళ్లిన నేతలకు సరైన గౌరవమే దక్కుతోందంటూ పలువురు వ్యాఖ్యానిస్తున్నారు. అలిగితే అట్టూ ఉండదు, ముక్క ఉండదూ అన్న చందంగా ఇప్పుడు వైసీపీ నుంచి వెళ్లిన నాయకులు పరిస్థితి తయారైందంటూ పలువురు సామాజిక మాధ్యమాలు వేదికగా కామెంట్లు పెడుతున్నారు. ప్రస్తుతం సోషల్‌ మీడియాలో జోరుగా వైరల్‌ అవుతున్న ఆ వీడియోను మీరూ చూడండి.
ఏదో చిన్న కారణాలతో జగన్ పై అలిగి YSRCP నుంచి వెళ్లి ఏం సాధించారు లేని అవమానాలు ఎదుర్కొంటున్నారు
నిన్న బాలినేని ఈరోజు వేమిరెడ్డి pic.twitter.com/FkPsAvF6kS— Anitha Reddy (@Anithareddyatp) November 3, 2024
