జనసేన అధినేత పవన్ కళ్యాణ్ ఈ మధ్య జరిగిన ఆటో డ్రైవర్ల సంక్షేమ కార్యక్రమంలో కనిపించిన తీరు ఇప్పుడు సోషల్ మీడియాలో చర్చనీయాంశమైంది. సాధారణంగా ఉత్సాహంగా, జోష్‌గా కనిపించే పవన్ ఈసారి కొంత మునిగిపోయినట్టుగా, ఆలోచనల్లో తలమునకలైనట్టుగా కనిపించారు. ఆయన ముఖంలో కనిపించిన ఆవేదన, నిరాశ, నిస్పృహ చాలా మందిని కంగారుపెట్టింది.
ఈ వీడియో సోషల్ మీడియాలో వైరల్ అవుతుండగా, మహా టీవీ యాంకర్ వంశీ దీని మీద ఓ ఎమోషనల్ రియాక్షన్ ఇచ్చాడు. పవన్ కళ్యాణ్‌ను అంతలా చూసి తట్టుకోలేకపోయాడని తెలిపాడు. “ఎప్పుడూ అందరికి స్ఫూర్తినిచ్చే పవన్ గారు ఇలా ముభావంగా ఉండడం చూడగానే గుండె పిండుకుపోయింది” అంటూ తన భావాలను బయటపెట్టాడు.
అయితే, వంశీ రియాక్షన్‌పై కూడా ఇప్పుడు సోషల్ మీడియాలో భిన్న అభిప్రాయాలు వ్యక్తమవుతున్నాయి. కొంతమంది పవన్ కళ్యాణ్ ఈ స్థితికి కారణం రాజకీయ ఒత్తిడేనేమో అంటుంటే, మరికొందరు బాలకృష్ణ ఇటీవల చేసిన వ్యాఖ్యలు ఆయన మనసును తాకాయేమో అని ఊహిస్తున్నారు. ఇంకొందరు మాత్రం పవన్ గారికి ఆరోగ్యం బాగోలేకపోవడం వల్లనే ఆయన అలసటతో అలా కనిపించారనే విశ్లేషణ చేస్తున్నారు.
ఇక నెటిజన్లు మాత్రం వంశీ రియాక్షన్‌ను ట్రోల్ చేస్తున్నారు. “మహా వంశీ పోస్టుమార్టం ఎక్కువైందేమో”, “కోడిగుడ్డు మీద ఈకలు పీకినట్టుంది” అంటూ వ్యంగ్యంగా కామెంట్లు చేస్తున్నారు.
కానీ, పవన్ కళ్యాణ్ అభిమానులు మాత్రం వంశీ మాటలకు తోడ్పాటునిస్తున్నారు. “మన పవన్ గారి బాధ మన బాధే”, “వంశీ చెప్పింది మన హృదయములోని మాటే” అంటూ సోషల్ మీడియాలో షేర్ చేస్తున్నారు.
ఇక ఈ మొత్తం ఘటనలో ఒక విషయం మాత్రం స్పష్టం . పవన్ కళ్యాణ్ ఏదో మౌన బాధలో ఉన్నారు. అది రాజకీయ నిరాశనా, వ్యక్తిగత ఆవేదనా, లేక ఆరోగ్య కారణమా అనేది కాలమే చెప్పాలి.
ఒక్కసారి పవన్ కళ్యాణ్ మళ్ళీ తన ఎనర్జీతో ప్రజల ముందుకు వస్తే, ఈ ‘బాధ’ చర్చ ఒక్కసారిగా ‘ప్రేరణ’గా మారిపోవడం ఖాయం!
