మొన్న కేంద్రహోంశాఖ సహాయమంత్రి బండి సంజయ్ ఏకంగా పార్లమెంటులోనే ఏపీలో మిస్సింగ్ అయిన మహిళలు 99 శాతం రికవరీ అయ్యారని లెక్కలతో సహా బయటపెట్టాడు. ఇక నిన్న అసెంబ్లీలో హోంమంత్రి అనిత కూడా అసలు ఏపీలో మిస్ అయిన మహిళలందరూ కూడా తిరిగి పోలీసులు కాపాడి వారి వద్దకు చేర్చారన్నారు.
కానీ ఇదే పవన్ కళ్యాణ్ ఎన్నికల ముందర నాటి వైఎస్ జగన్ ప్రభుత్వంపై, వాలంటీర్లపై తీవ్ర ఆరోపణలు చేశాడు. ‘ఏపీలో 33వేల మంది మహిళలు మిస్ అయ్యారని.. వాలంటీర్లు కిడ్నాప్ చేశారని.. జగన్ ప్రభుత్వం హస్తం ఉందని ’ పవన్ గత ఎన్నికల ముందర ఆరోపించారు. ఢిల్లీలో ఉండే కేంద్ర నిఘా సంస్థలు తనకు చెప్పాయని అబద్దాలు ప్రచారం చేశాయి.
పవన్ కళ్యాణ్ అప్పటికి కేవలం మంత్రి, ఎమ్మెల్యే కూడా కాడు. అయినా కూడా కేంద్ర అధికారులు వచ్చి పవన్ తన చెవిలో చెప్పినట్టుగా అబద్ధాలు ఆడాడు. జగన్ రివ్యూ పెట్టావా? ఆడబిడ్డలు మిస్ అయితే ఇలా చేస్తావా? అంటూ ఆడిపోసుకున్నారు.
కానీ కేంద్రమంత్రి బండి సంజయ్, హోంమంత్రి అనిత ఇప్పుడు ఆధారాలతో బయటపెట్టి పవన్ వాదన తప్పు అని నిరూపించారు. మరి ఇలా అడ్డంగా బుక్కైన పవన్ కళ్యాణ్ తాను చేసిన తప్పుడు ప్రచారంపై ఏపీ ప్రజలకు క్షమాపణ చెప్పాలని వైసీపీ నేతలు డిమాండ్ చేస్తున్నారు.
