పవర్స్టార్ పవన్ కళ్యాణ్ పుట్టినరోజు సందర్భంగా సోషల్ మీడియాలో ఓ వినూత్న వీడియో తెగ హల్చల్ చేస్తోంది. ఇందులో ఓ సాధారణ మహిళ “పవన్ అన్నా బర్త్డే” అంటూ ఓ పాత పాటను మిక్స్ చేసి తనదైన శైలిలో పాడిన తీరు నెటిజన్లను ఎంతగానో ఆకట్టుకుంటోంది. ఆమె హస్కీ గాత్రం, అమాయకపు చూపులు, ముద్దు ముద్దుగా పలికిన మాటలు.. అన్నీ కలిసొచ్చి ఈ వీడియోను మరింత స్పెషల్గా మార్చాయి.
ఈ వీడియోలో కనిపించిన మహిళను నెటిజన్లు ప్రేమగా “తిక్క అక్క” అని పిలుస్తున్నారు. ఆమె చూపుల్లో కనిపించిన బిత్తిరి తిక్క, మొహంలో వెలిసిన అమాయకత్వం ఇప్పుడు సోషల్ మీడియా వేదికగా నవ్వుల పంట పండిస్తోంది. “పవన్ అన్నా బర్త్డే” అంటూ ఆమె పాటలోని మిక్సింగ్, ఎక్స్ప్రెషన్స్ చూసిన వారెవ్వరైనా కాసేపు ఆగకుండా ఫిదా అవుతున్నారు.
ఈ వీడియోపై అభిమానులే కాదు, సాధారణ ప్రేక్షకులు కూడా తెగ కామెంట్లు చేస్తున్నారు. “ఇలాంటి అందమైన తిక్కలు మామూలు వాళ్లకే వస్తాయి”, “ఇది రియల్ ఫ్యాన్ లవ్”, “పవన్ బాబుకి అంతే క్రేజ్!” వంటి కామెంట్లు వరుసగా రావడం గమనార్హం.
ప్రస్తుతం ఈ పాట సోషల్ మీడియాలో వైరల్గా మారింది. సోషల్ మీడియా ప్లాట్ఫారాలన్నీ ఈ తిక్క అక్క వీడియోలతో హోరెత్తిపోతున్నాయి. అభిమానులు ఈ వీడియోను తమ తమ పేజీల్లో షేర్ చేస్తూ “అమ్మాయి సూపర్, మనసుని గెలుచుకుంది” అంటూ ప్రశంసల వర్షం కురిపిస్తున్నారు.
పవన్ పుట్టినరోజు సందర్బంగా రూపొందించిన ఈ వీడియో ఒక్క ఫ్యాన్ లవ్కు కాదు, వినోదానికి మంచి ఉదాహరణగా నిలుస్తోంది. ఈ “తిక్క అక్క” ఎవరో తెలియకపోయినా.. ఆమె గానం, అభినయం సోషల్ మీడియా వేదికగా నిలిచిపోయింది.
ఇదేంటంటే.. అభిమానుల ప్రేమకి, సినీ క్రేజ్కి ఎటువంటి హద్దులుండవు అనే సంగతి మరోసారి రుజువైంది!
