టాలెంటెడ్ యాక్టర్ ప్రియదర్శి ప్రస్తుతం ఆయన ఇటీవల నటించిన ‘35-చిన్న కథ కాదు’ సినిమా విజయాన్ని ఆస్వాదిస్తున్నాడు. తాజాగా మోహనకృష్ణ ఇంద్రగంటి దర్శకత్వంలో మరో సినిమాలో నటిస్తున్నాడు. తన రాబోయే చిత్రం సారంగపాణి జాతకం మొదలుపెట్టాడు. విలక్షణ ఇంద్రగంటి దర్శకత్వంలో ప్రియదర్శి నటిస్తుండడంతో సినిమాపై అంచనాలు పెరిగాయి. ప్రియదర్శి నక్కతోక తొక్కాడని మంచి దర్శకుడి చేతిలో పడ్డాడని అందరూ అంటున్నారు.
కొన్ని వారాల క్రితం, మేకర్స్ ఫస్ట్ లుక్ పోస్టర్తో సినీ ప్రేమికులను ఆకట్టుకున్నారు. ఇప్పుడు చిత్రం షూటింగ్ పూర్తయినట్లు ప్రకటించారు. హైదరాబాద్, విశాఖపట్నంలో ఐదు షెడ్యూల్స్లో చిత్రీకరణ జరుపుకుంది. ఈ సినిమా డబ్బింగ్ సెప్టెంబర్ 12, 2024న ప్రారంభం కానుంది.
సారంగపాణి జాతకం రూప కొడువాయూర్ ప్రధాన పాత్రలో నటించిన హాస్య చిత్రం. శ్రీదేవి మూవీస్ పతాకంపై శివలెంక కృష్ణ ప్రసాద్ నిర్మిస్తున్న ఈ చిత్రంలో కె. నరేష్, తనికెళ్ల భరణి, అవసరాల శ్రీనివాస్, వెన్నెల కిషోర్, వైవా హర్ష, శివన్నారాయణ తదితరులు నటిస్తున్నారు. వివేక్ సాగర్ సంగీత దర్శకుడు. విడుదల తేదీ, ట్రైలర్ తేది త్వరలో ప్రకటించనున్నారు.
