జనసేన పార్టీ తిరుపతి ఇంఛార్జ్ కిరణ్ రాయల్ చేతిలో మోసపోయిన బాధితురాలు లక్ష్మీ తీవ్ర ఆరోపణలు చేశారు. “ఆడబిడ్డకి ఏ కష్టం వచ్చినా అండగా నిలుస్తాను అన్న పవన్ కళ్యాణ్ గారు, ఇప్పుడు మీ పార్టీ ఇంఛార్జ్ వల్ల నాకు కష్టం వచ్చింది. నాకోసం మీరు నిలబడతారా?” అంటూ లక్ష్మీ ఆవేదన వ్యక్తం చేశారు.
తిరుపతి జనసేన ఇంఛార్జ్ కిరణ్ రాయల్ మహిళల జీవితాలతో ఆటలాడుతున్నారని, వారి వద్ద డబ్బులు అయిపోయిన తర్వాత సైలెంట్‌గా తప్పించుకుంటాడని లక్ష్మీ ఆరోపించారు. “మొన్న మానస, నేడు నేను, రేపు ఇంకెవరైనా..! ఇలా ఇంకెంత మంది అమ్మాయిల జీవితాలను నాశనం చేస్తావు కిరణ్ రాయల్?” అంటూ ఆమె ఆగ్రహం వ్యక్తం చేశారు.
ఈ ఆరోపణల నేపథ్యంలో, మహిళల భద్రత, రాజకీయాల్లో నైతికతపై ప్రశ్నలు తలెత్తుతున్నాయి. ఒక పార్టీ ఇంఛార్జ్ స్థాయిలో ఉన్న వ్యక్తిపై ఇలాంటి ఆరోపణలు రావడం సంచలనం రేపుతోంది. దీనిపై జనసేన అధినేత పవన్ కళ్యాణ్ ఎలా స్పందిస్తారో చూడాలి.
జనసేన పార్టీ తక్షణమే దీనిపై విచారణ చేసి బాధితులకు న్యాయం చేయాలని మహిళా సంఘాలు, సామాజిక కార్యకర్తలు డిమాండ్ చేస్తున్నారు. నిజమయితే, ఇలాంటి వ్యక్తులు ప్రజాసేవ పేరుతో రాజకీయాల్లో కొనసాగడమే బాధాకరం. కిరణ్ రాయల్ ఈ ఆరోపణలకు ఏమని సమాధానం చెబుతారో, జనసేన పార్టీ ఏ చర్యలు తీసుకుంటుందో చూడాలి.
బాధితురాలు లక్ష్మీ వీడియోను ఇప్పుడు చూడొచ్చు
