టాలీవుడ్‌లో చిన్న సినిమాలకు తగిన గుర్తింపు రావడం లేదు. మంచి కథాంశంతో తెరకెక్కినా ప్రేక్షకులు థియేటర్లకు రావడంలేదు. తాజాగా దర్శకుడు మోహన్ శ్రీవాస్తవ తీసిన ‘బార్బరిక్’ చిత్రం కూడా ఇదే పరిస్థితిని ఎదుర్కొంటోంది.
సత్యరాజ్, సత్యం రాజేష్, ఉదయ భాను నటించిన ఈ సినిమాకు ప్రమోషన్స్ గట్టిగానే చేసినా, థియేటర్లలో కేవలం కొద్దిమంది ప్రేక్షకులు మాత్రమే కనిపించారు. ఈ విషయం చూసి బాధతో దర్శకుడు ఏడుస్తూ తన చెప్పులతోనే తనను తానే కొట్టుకున్నారు. రెండు సంవత్సరాల కష్టఫలితం ఇలా నిరుపయోగమైపోయిందని ఆవేదన వ్యక్తం చేశారు.
ఈ ఘటన సోషల్ మీడియాలో వైరల్ అవగా, నెటిజెన్స్ ఆయన పరిస్థితిపై జాలి వ్యక్తం చేస్తున్నారు. పెద్ద సినిమాలకు మాత్రమే ప్రేక్షకులు థియేటర్లకు రావడం, చిన్న సినిమాలను పట్టించుకోవడం లేదని ఈ సంఘటన మళ్లీ రుజువు చేసింది. టాలీవుడ్‌లో ఈ పరిస్థితి మారినప్పుడే చిన్న సినిమాలకు న్యాయం జరుగుతుంది.
