టీవీ5 సీనియర్ యాంకర్ సాంబశివరావుపై సోషల్ మీడియాలో జరుగుతున్న ప్రచారానికి ఆయన లైవ్లో కౌంటర్ ఇచ్చారు. టీవీ5లో తన ప్రాధాన్యత తగ్గిందని, తనపై గౌరవం లేకుండా వ్యవహరిస్తున్నారని, చానెల్లో తనకు పెద్ద స్థానం లేదని కొంతమంది చేస్తున్న వ్యాఖ్యలు తీవ్ర అసంతృప్తికి గురి చేశాయి.
ఈ నేపథ్యంలో “నేను టీవీ5లో ఒక సాధారణ ఉద్యోగి కాదు” అంటూ సాంబశివరావు స్పష్టం చేశారు. టీవీ5 మేనేజ్మెంట్లో తాను కీలక బాధ్యతల్లో ఉన్నానని, చానెల్ విధాన నిర్ణయాల్లో కూడా తన అభిప్రాయానికి ప్రత్యేక ప్రాధాన్యత ఉంటుందని ఆయన తేల్చి చెప్పారు.
సాంబశివరావు తన లైవ్లో మాట్లాడుతూ “టీవీ5 అంటే ఏమనుకుంటున్నారు? ఇక్కడ నేను ఉద్యోగి కాదండి. మేనేజ్మెంట్లో ఉన్నాను. చానెల్ నిర్ణయాల్లో నా పాత్ర ఉంటుంది. బయట ఎవరు ఏమని మాట్లాడినా… మేము టీవీ5లోనే ఉంటాం. టీవీ5 గురించి అవాకులు చెవాకులు పేలడం ఆపండి” అని హెచ్చరించారు.
అంతేకాదు, తనపై తప్పుడు వార్తలు, అపప్రథ ప్రచారం చేసే సోషల్ మీడియా పేజీలను కూడా ఆయన పరోక్షంగా టార్గెట్ చేశారు. “పైకి వెళ్లేటప్పుడూ జెండా కప్పుకునే వెళతాం… టీవీ5పై ప్రేమ, నిబద్ధత తగ్గేది లేదు” అంటూ తన స్టాండ్ను మరింత బలంగా వ్యక్తపరిచారు.
ఇటీవలి కాలంలో యూట్యూబ్, సోషల్ మీడియాలో టీవీ5 యాంకర్లపై, ముఖ్యంగా సాంబశివరావుపై అనేక రకాల రూమర్లు రాగా, వాటన్నింటికీ ఆయన ఈ లైవ్ ద్వారా సమాధానం ఇచ్చినట్లైంది.
సాంబశివరావు వ్యాఖ్యలు స్పష్టంగా చెబుతున్నాయి.
టీవీ5లో తన స్థానం తగ్గలేదని, చానెల్తో తన బంధం కుదుటగానే ఉందని, సోషల్ మీడియా అపప్రచారాన్ని ఇక భరించబోనని!
