లండన్‌లో నివాసం ఉంటున్న వైసీపీ యూకే వ్యవహారాల ఇన్‌చార్జి డాక్టర్ ప్రదీప్ రెడ్డి చింత వినాయకచవితి సందర్భంలో తన ఇంట్లో శ్రద్ధగా పూజలు నిర్వహించారు. ఈ సందర్భంగా ఆయన స్వస్థలం నుండి దేశం వరకూ అందరూ సుఖసంతోషాలతో ఉండాలని భక్తి భావంతో ప్రార్థనలు చేశారు.
అయితే తాను పూజల్లో మునిగి ఉండగానే టీవీ5లో సాంబ తనపై చర్చ చేస్తూ విమర్శలు చేయడం గమనించిన ప్రదీప్ రెడ్డి దీనిపై హాస్యాస్పదంగా స్పందించారు. “వీధి, ఊరు, జిల్లా, రాష్ట్రం, జాతి కోసం ప్రార్థిస్తున్నా… కానీ ఒకడు మాత్రం పక్కన వదల్లేదు” అంటూ టీవీ5 సాంబను ట్రోల్ చేశారు.
ఇదే అంశాన్ని ఫన్నీగా ప్రదర్శిస్తూ ప్రదీప్ రెడ్డి ఒక వీడియో రూపొందించారు. “ప్రశాంతంగా పూజ చేయనీయక వెంటపడుతున్న సాంబకు గట్టి కౌంటర్ వినాయకచవితి అయిపోయాక ఇస్తా” అంటూ సరదా శైలిలో వ్యాఖ్యానించారు.
ప్రస్తుతం ఈ వీడియో సోషల్ మీడియాలో వైరల్ అవుతోంది. వైసీపీ అనుచరులు దీనిని షేర్ చేస్తూ టీవీ5 సాంబపై ప్రదీప్ రెడ్డి ఇచ్చిన హాస్యాస్పద కౌంటర్‌ను హైలైట్ చేస్తున్నారు.
మొత్తానికి రాజకీయ వాదోపవాదాల్లోనూ పండుగ వాతావరణాన్ని కలిపి సరదాగా స్పందించిన ప్రదీప్ రెడ్డి వీడియో నెటిజన్లలో చర్చనీయాంశంగా మారింది.
