తెలంగాణ రాజకీయాల్లోకి టీడీపీ అధినేత చంద్రబాబు నాయుడు తిరిగి రావాలని టీవీ5 జర్నలిస్ట్ మూర్తి పట్టుబట్టడం ప్రస్తుతం చర్చనీయాంశంగా మారింది. ఇటీవల చంద్రబాబు నాయుడుతో మూర్తి నిర్వహించిన ఇంటర్వ్యూలో, తెలంగాణలో టీడీపీని విస్తరించి, ఇక్కడ కూడా ఎంపీ, ఎమ్మెల్యే స్థానాలను గెలవాలని మూర్తి తీవ్రంగా ఒత్తిడి చేసిన తీరు అందరినీ ఆశ్చర్యపరిచింది.
తెలంగాణలో ఇప్పటికే తెలుగుదేశం పార్టీకి బలమైన పునాదులు ఉన్నాయని, ఇక్కడి ప్రజల్లో ఇప్పటికీ చంద్రబాబు పట్ల అభిమానం ఉందని మూర్తి పదేపదే నొక్కి చెప్పినట్లు తెలుస్తోంది. తెలంగాణకు వస్తే ఇక్కడ ఉన్న వార్తా ఛానెళ్లు, ముఖ్యంగా ‘ఎల్లో మీడియా’ టీడీపీకి మద్దతుగా నిలుస్తాయని మూర్తి భావిస్తున్నట్టు తెలుస్తోంది.. బహుశా అందుకే చంద్రబాబును తెలంగాణ రాజకీయాల్లోకి రావాలని మూర్తి అంతగా ఫోర్స్ చేసినట్లు అర్థమవుతోందని విశ్లేషకులు అభిప్రాయపడుతున్నారు.
“తెలంగాణకు నువ్వు రావాలి… తెలంగాణలో టీడీపీని విస్తరించి ఇక్కడా ఎంపీ, ఎమ్మెల్యేలను గెలవాలి” అంటూ మూర్తి చంద్రబాబుపై తీవ్రంగా ఒత్తిడి తీసుకువచ్చిన దృశ్యాలు ఇంటర్వ్యూలో స్పష్టంగా కనిపించాయి. చంద్రబాబును తెలంగాణకు రప్పించడం ద్వారా తన మనసు మార్చాలని మూర్తి గట్టిగా ప్రయత్నించినట్లు స్పష్టమవుతోంది.
టీవీ5 మూర్తి ఈ మంకుపట్టు వెనుక గల కారణాలు ఏంటి? కేవలం టీడీపీ విస్తరణేనా లేక ఇంకేదైనా ఉద్దేశ్యం ఉందా అనే చర్చ ఇప్పుడు రాజకీయ వర్గాల్లో జరుగుతోంది. ఏది ఏమైనా, తెలంగాణ రాజకీయాలపై చంద్రబాబు తిరిగి దృష్టి సారించాలని ఒక జర్నలిస్ట్ ఇంతగా పట్టుబట్టడం మాత్రం సర్వత్రా ఆసక్తిని రేకెత్తిస్తోంది. మూర్తి పట్టుదల చంద్రబాబు మనసు మార్చుతుందా, తెలంగాణలో టీడీపీకి మళ్ళీ పూర్వ వైభవం వస్తుందా అనేది కాలమే నిర్ణయించాలి.
వీడియో కోసం క్లిక్ చేయండి
