టీవీ5 యాంకర్ సాంబశివరావు మళ్లీ వార్తల్లోకి వచ్చారు. ఆదివారం కూడా సెలవు లేకుండా సాక్షి టీవీ, ఆ ఛానెల్ యజమాని భారతి రెడ్డిపై గట్టిగా వార్నింగ్ ఇచ్చారు. “మహిళ కాబట్టి వదిలేస్తున్నాం… కానీ మా టీవీ5 ఓనర్‌ నాయుడిగారిపై అసత్య ప్రచారాలు ఆపాలి. లిక్కర్‌ స్కాంలో ప్రమేయముందని పుకార్లు పుట్టించడం తప్పు” అంటూ సాంబశివరావు స్పష్టమైన హెచ్చరిక చేశారు.
అయితే, ఈ వ్యాఖ్యలతో సాంబన్న సోషల్ మీడియాలో ట్రెండింగ్‌ అవుతున్నాడు. నెటిజన్లు తనదైన శైలిలో సెటైర్లు వేస్తున్నారు. “అందరూ వీకెండ్‌లో బీర్‌ తాగి చిల్‌ అవుతారు… కానీ సాంబన్న మాత్రం వార్నింగ్‌లు ఇచ్చి చిల్‌ అవుతాడు!” అంటూ మీమ్స్‌ షేర్‌ చేస్తున్నారు. ఇంకొందరు “ఇప్పుడే తెలిసింది… సాంబన్న ఎక్కువ సాక్షి టీవీ చూస్తాడని!” అంటూ కామెంట్లు చేస్తున్నారు.
టీవీ5 యాంకర్ సాంబశివరావు తన కఠినమైన వ్యాఖ్యలతో తరచూ హాట్‌ టాపిక్‌గా మారుతుంటాడు. ప్రతి సారి ఆయన స్టైల్‌, టోన్‌, టార్గెట్‌ పబ్లిక్‌ డిబేట్‌ సృష్టిస్తాయి. ఇప్పుడు కూడా అదే జరిగింది. సాక్షి టీవీపై చేసిన విమర్శలతో ఆయన మళ్లీ రాజకీయ, మీడియా వర్గాల్లో చర్చకు దారితీశారు.
సామాజిక మాధ్యమాల్లో సాంబశివరావు అభిమానులు “సత్యం చెప్పాలంటే కొంచెం హీటే తప్పదు” అని ఆయనకు మద్దతు ఇస్తుంటే, విమర్శకులు మాత్రం “ప్రతి వారం కొత్త స్క్రిప్ట్‌తో సాంబన్న షో!” అంటూ వ్యంగ్యాస్త్రాలు సంధిస్తున్నారు.
ఏదేమైనప్పటికీ, యాంకర్ సాంబశివరావు మరోసారి ఆదివారం కూడా టీఆర్‌పీలను తనదైన స్టైల్‌లో ఆకర్షించడంలో సక్సెస్‌ అయ్యాడు!
https://x.com/Samotimes2026/status/1974883445496279085
