వైయస్సార్ కాంగ్రెస్ పార్టీ మాజీ కీలక నేత విజయసాయిరెడ్డి మళ్లీ జగన్ వైపు మొగ్గు చూపుతున్నారన్న చర్చ రాజకీయ వర్గాల్లో ఊపందుకుంది. ఇటీవల రెండు సంఘటనలు ఈ ఊహాగానాలకు బలం చేకూర్చాయి.
మొదటగా, విశాఖ బీచ్ ప్రాంతంలో ఆయన కుమార్తె కంపెనీ చేపట్టిన నిర్మాణాలపై కోర్టు ఆగ్రహం వ్యక్తం చేస్తూ, జీవీఎంసీకి నష్టపరిహారం చెల్లించాలంటూ ఆదేశాలు జారీ చేసింది. మరోవైపు, లిక్కర్ స్కామ్ కేసులో సాక్షులుగా ఉన్న ఆయన అల్లుళ్లు రోహిత్ రెడ్డి, శరత్ చంద్రారెడ్డి తమ వాంగ్మూలాలను వెనక్కి తీసుకోవాలని కోర్టులో పిటిషన్ వేయడం రాజకీయంగా సంచలనంగా మారింది.
ఒకప్పుడు వైసీపీకి ఢిల్లీ లాబీయిస్టుగా ఉన్న విజయసాయిరెడ్డి, పార్టీ నుంచి వైదొలిగి సైలెంట్గా ఉన్నారు. కానీ ఇప్పుడు ఈ పరిణామాలు ఆయన మళ్లీ జగన్ దగ్గర అవుతున్నారనే సంకేతాలుగా మారాయి.
జగన్కి ఢిల్లీ స్థాయిలో మద్దతు అవసరమైన ఈ సమయంలో విజయసాయిరెడ్డి తిరిగి చేరితే పార్టీకి బలంగా మారవచ్చని రాజకీయ వర్గాల అంచనా. అయితే ఇది ఎంతవరకు నిజమో రాబోయే రోజులు చెబుతాయి.
