ఆంధ్రప్రదేశ్లో మెడికల్ కాలేజీల ప్రైవేటీకరణ అంశం ఇప్పుడు రాజకీయంగా హాట్ టాపిక్గా మారింది. ఈ విషయంపై పవన్ కళ్యాణ్ ఎందుకు స్పందించాల్సి వస్తోంది? అసలు ఆయనకు ఈ అంశంతో ఏమి సంబంధం ఉంది? అనే ప్రశ్నలు ప్రజల్లో సహజంగానే తలెత్తుతున్నాయి.
ప్రభుత్వ మెడికల్ కాలేజీలను ప్రైవేటీకరించడం అనేది కేవలం పరిపాలనా నిర్ణయం మాత్రమే కాదు. ఇది పేద విద్యార్థుల భవిష్యత్తుతో ముడిపడి ఉన్న అత్యంత సున్నితమైన అంశం. ఫీజులు, అడ్మిషన్లు, రిజర్వేషన్లు, వైద్య సేవల అందుబాటు.. ఇవన్నీ ఈ నిర్ణయంతో ప్రభావితం అవుతాయి. అలాంటి కీలక అంశంపై ఎవరు ప్రశ్నలు లేవనెత్తినా, అవి ప్రజాస్వామ్యంలో సహజమే.
ఈ నేపథ్యంలో మాజీ ముఖ్యమంత్రి వైఎస్ జగన్మోహన్ రెడ్డి చేసిన వ్యాఖ్యల్లో తప్పేమీ కనిపించడం లేదు. “మెడికల్ కాలేజీల ప్రైవేటీకరణలో ఎవరు అవినీతికి పాల్పడ్డా, వారిని అరెస్టు చేస్తాం” అని చెప్పడం ప్రజాధనాన్ని కాపాడే బాధ్యతగల నేత మాటగానే భావించాలి. అవినీతి జరిగితే చర్యలు తీసుకుంటామని చెప్పడం నేరం కాదు, అది పాలనలో పారదర్శకతకు సంకేతం.
అయితే ఈ అంశం బయటకు వచ్చినప్పటి నుంచి, అసలు ప్రైవేటీకరణపై చర్చ జరగకుండా దాన్ని డైవర్ట్ చేసే ప్రయత్నాలు జరుగుతున్నాయనే విమర్శలు వినిపిస్తున్నాయి. ముఖ్యంగా పవన్ కళ్యాణ్ వైపు నుంచి వస్తున్న రాజకీయ ప్రకటనలు, ఆరోపణలు.. ప్రజలను అసలు సమస్య నుంచి దృష్టి మళ్లించేందుకేనా? అనే అనుమానాలు కలుగుతున్నాయి.
మెడికల్ కాలేజీల ప్రైవేటీకరణ వెనుక ఎలాంటి డీల్స్ జరిగాయి? ఎవరి ప్రయోజనాల కోసం ఈ నిర్ణయాలు తీసుకున్నారు? అన్న ప్రశ్నలకు ఇప్పటికీ స్పష్టమైన సమాధానాలు రావడం లేదు. ఈ సందర్భంలో పవన్ కళ్యాణ్ పాత్రపై చర్చ రావడం సహజమే. ప్రజలకు కావాల్సింది రాజకీయ వాగ్వాదాలు కాదు. స్పష్టత, జవాబుదారీతనం.
చివరికి, మెడికల్ విద్య ప్రజాస్వామ్య హక్కు. దాన్ని కార్పొరేట్ చేతుల్లోకి అప్పగించే ముందు ప్రజలకు నిజాలు చెప్పాల్సిన బాధ్యత అధికారంలో ఉన్న ప్రతి నాయకుడిపై ఉంది. డైవర్షన్ రాజకీయాల కంటే, నిజాలపై చర్చ జరిగితేనే ప్రజలకు న్యాయం జరుగుతుంది.
https://x.com/greatandhranews/status/2003394711017734565?s=20
