జనసేన నుంచి బహిష్కృతులైన కిరణ్ రాయల్ వివాదం కొత్త మలుపు తిరిగింది. ఆయనకు మద్దతుగా జనసేన అధికార ప్రతినిధి రాయపాటి అరుణ చేసిన వ్యాఖ్యలు వైసీపీ నేత కారుమూరు వెంకట్ రెడ్డిని ఆగ్రహానికి గురి చేశాయి.ఓ టీవీ చానెల్ చర్చలో జనసేన బహిషృత నేత కిరణ్ రాయల్ కు మద్దతుగా మాట్లాడిన జనసేన అధికార ప్రతినిధి రాయపాటి అరుణకు గట్టి కౌంటర్లు ఇచ్చిన వైసీపీ నేత కారుమూరు వెంకట్ రెడ్డి.
“మహిళల జీవితాలతో ఆడుకుంటున్నట్టుగా వైసీపీతో ఆడుకుంటాడా కిరణ్ రాయల్?” అంటూ వెంకటరెడ్డి తీవ్ర స్థాయిలో మండిపడ్డారు. కిరణ్ రాయల్పై వచ్చిన ఆరోపణల నేపథ్యంలో జనసేన నేతలు సమర్థనగా మాట్లాడటం సరికాదని వెంకట్ రెడ్డి విమర్శించారు.
ఈ వివాదం రాజకీయంగా పెను ప్రకంపనలు రేపుతోంది. ఒకవైపు జనసేన తమ నేతపై ఉన్న నమ్మకాన్ని వ్యక్తం చేస్తుండగా, మరోవైపు వైసీపీ నేతలు మాత్రం కిరణ్ రాయల్పై తీవ్ర విమర్శలు గుప్పిస్తున్నారు.
ఇదిలా ఉంటే, జనసేన వర్గాలు ఈ ఆరోపణలను ఖండిస్తూ, కిరణ్ రాయల్పై జరుగుతున్న ప్రచారం అసత్యమని, ఇది పూర్తిగా రాజకీయ కుతంత్రమని పేర్కొంటున్నాయి. మరోవైపు వైసీపీ నేతలు మాత్రం ఈ అంశాన్ని మరింతగా ఎత్తి చూపిస్తూ జనసేన తీరును ఎండగడుతున్నారు. కిరణ్ రాయల్ ఎంత మంది మహిళల జీవితాలతో ఆడుకుంటున్నాడో అంటూ రోజుకో వీడియో బయటకు తీస్తూ రచ్చ చేస్తున్నారు.
ఈ వివాదం ఇంకా ఎంత దూరం వెళుతుందో, ఎవరి ఆరోపణలు నిజమవుతాయో చూడాలి!
