విశాఖలో గూగుల్ ఏఐ డేటా సెంటర్ నిర్మాణంపై భారీ హంగామా సృష్టించిన కూటమి ప్రభుత్వం ఇప్పుడు ఇబ్బందుల్లో పడినట్లుగా కనిపిస్తోంది. “ఈ ప్రాజెక్ట్ వల్ల 1 లక్ష 88 వేల ఉద్యోగాలు వస్తాయి” అని పెద్ద ఎత్తున ప్రచారం చేసిన చంద్రబాబు ప్రభుత్వం, ఇప్పుడు అదే అంశంపై కూటమి భాగస్వామి బీజేపీ నుంచే ఎదురుదెబ్బ తిన్నది.
బీజేపీ సీనియర్ నేత విష్ణుకుమార్ రాజు చేసిన వ్యాఖ్యలు ఈ ప్రచార బుడగను పగలగొట్టేశాయి. “గూగుల్ డేటా సెంటర్ వల్ల ఎక్కువ ఉద్యోగాలు రావు. 1 లక్ష 80 వేల ఉద్యోగాలు వస్తాయనేది అవాస్తవం,” అని ఆయన స్పష్టం చేశారు.
ఇక ఈ అంశంపై మాజీ మంత్రి కురసాల కన్నబాబు కూడా విమర్శలు గుప్పించారు. “గూగుల్ వల్ల వచ్చిన ఉద్యోగాలు 200 మాత్రమే. కానీ ప్రభుత్వం మాత్రం 1 లక్ష 80 వేల ఉద్యోగాలు వస్తాయని ప్రచారం చేస్తోంది. గూగుల్ మొత్తం ప్రపంచవ్యాప్తంగా ఉన్న ఉద్యోగాలు 1 లక్ష 88 వేలు. మరి విశాఖ ప్రాజెక్ట్ వల్ల అంత మంది ఎలా వస్తారు?” అని ప్రశ్నించారు.
ఈ వ్యాఖ్యలతో కూటమి ప్రభుత్వం చేసిన భారీ ప్రకటనలపై ప్రజల్లో అనుమానాలు పెరుగుతున్నాయి. చంద్రబాబు, పవన్ కళ్యాణ్, లోకేష్ ముగ్గురూ “గూగుల్ డేటా సెంటర్తో ఏపీ రూపమే మారిపోతుంది, లక్షల ఉద్యోగాలు వస్తాయి” అని చెప్పిన వాదనలు ఇప్పుడు ప్రజల నమ్మకాన్ని దెబ్బతీసేలా మారాయి.
సాంకేతికంగా డేటా సెంటర్ల్లో ఎక్కువగా ఆటోమేషన్, రోబోటిక్స్ ఆధారిత పనులు ఉండటం వల్ల పెద్ద సంఖ్యలో ఉద్యోగాలు సాధ్యం కాదని నిపుణులు కూడా సూచిస్తున్నారు. ఈ నేపథ్యంలో గూగుల్ ప్రాజెక్ట్ నిజంగా ఏపీకి ఎంత లాభం చేకూరుస్తుందో అన్నది సమయమే చెబుతుంది.
మొత్తం మీద, “గూగుల్ ప్రాజెక్ట్” పేరుతో కూటమి ప్రభుత్వం చేసిన భారీ ప్రచారం ఇప్పుడు తమకే బూమరాంగ్ అయింది.
https://x.com/YSJ2024/status/1979476819632939243
