కాకినాడ జిల్లా తుని పరిసరాల్లో అమానుష ఘటన వెలుగులోకి వచ్చింది. స్థానిక టిడిపి నేత తాటిక నారాయణరావు మైనర్ బాలికపై అత్యాచార యత్నం చేసిన ఘటనతో ప్రాంతంలో తీవ్ర ఆగ్రహం నెలకొంది.
వివరాల్లోకి వెళ్తే తుని రూరల్ గురుకుల పాఠశాలలో 8వ తరగతి చదువుతున్న బాలికను, నారాయణరావు తన పరిచయాన్ని ఉపయోగించి హాస్టల్ నుండి బయటకు తీసుకెళ్లినట్లు సమాచారం. అనంతరం హంసవరం మండలంలోని సపోటా తోటల్లోకి తీసుకెళ్లి అత్యాచార యత్నం చేసినట్లు ఆరోపణలు ఉన్నాయి.
అయితే బాలిక అక్కడ బట్టలు విప్పి కనిపించడంతో సమీపంలో ఉన్న ఓ వ్యక్తి అక్కడికి చేరుకోవడంతో ఆ దుర్మార్గుడు దబాయించడం మొదలుపెట్టాడు. బాధిత బాలికను ఆరా తీసి పోలీసులకు ఫిర్యాదుచేశారు.
ఈ ఘటనకు సంబంధించిన వివరాలు ఇలా ఉన్నాయి. తునిలో టీడీపీ నాయకుడు తాటిక నారాయణ రావు అకృత్యాలు బయటకు వచ్చాయి. ఇంతలో నారాయణ రావు బాగోతాన్ని గుర్తించిన స్థానికులు.. వెంటనే స్పందించి మైనర్ను రక్షించారు. ఈ క్రమంలో నారాయణ రావు ప్రశ్నించగా.. ఆమెను మూత్ర విసర్జన కోసం అక్కడికి తీసుకువచ్చానని బుకాయించాడు. అంతటితో ఆగకుండా తాను టీడీపీ కౌన్సిలర్ను అంటూ.. తను ప్రశ్నిస్తే పరిణామాలు తీవ్రంగా ఉంటాయని బెదిరింపులకు దిగాడు.
అయితే, హాస్టల్ నుండి మైనర్ను నారాయణ రావు బయటకు తీసుకువెళ్లడంపై అనుమానాలు వ్యక్తమవుతున్నాయి. ఇక, దీనికి సంబంధించిన వీడియో సోషల్ మీడియాలో చక్కర్లు కొడుతోంది.
