టీవీ5 యాంకర్ సాంబశివరావు చేసిన వ్యాఖ్యలు ప్రస్తుతం సోషల్ మీడియాలో పెద్ద వివాదానికి దారితీశాయి. ఆయన ఇటీవల చానెల్‌లో చెప్పిన ఒక కథనం టీడీపీ అభిమానుల్లో తీవ్ర ఆగ్రహం రేపుతోంది. ఆ కథనం ప్రకారం “మోదీ గారు పడుకొని ఉంటే, ఆయన కాళ్ల దగ్గర చంద్రబాబు గారు కూర్చున్నారు” అనే విధంగా సాంబశివరావు వివరించడం టీడీపీ శ్రేణులకు అస్సలు నచ్చలేదు.
ఈ వ్యాఖ్యలపై నెటిజన్లు తీవ్రంగా మండిపడుతున్నారు. “మతి ఉండే మాట్లాడుతున్నావా సాంబశివ?” అంటూ సోషల్ మీడియాలో ట్రోల్స్ ముమ్మరంగా సాగుతున్నాయి. పార్టీ కార్యకర్తలు, బాబు అభిమానులు సోషల్ మీడియాలో సాంబశివరావుపై విమర్శల వర్షం కురిపిస్తున్నారు.
టిడిపి నాయకులు, అభిమానులు ఈ వ్యాఖ్యను బాబుగారిపై అవమానకరంగా పరిగణిస్తున్నారు. “బాబు గారు మోదీ గారి కాళ్ల దగ్గర కూర్చోవడం ఏంటి? ఎవరో బాబుగారిని గెలిపించడం ఏంటి? ఆయనను సీఎం చేయడం ఏంటి?” ఈ వ్యాఖ్యలతో సాంబశివరావు ఉద్దేశపూర్వకంగా చంద్రబాబును అవమానించే ప్రయత్నం చేస్తున్నారని, “స్వతంత్రంగా సీఎం కాలేకపోయిన వ్యక్తి” అనే భావనను ప్రజల్లోకి నెట్టి వేస్తున్నారని టీడీపీ శ్రేణులు ఆరోపిస్తున్నాయి.
కొంతమంది విశ్లేషకులు ఈ అంశంపై స్పందిస్తూ, ఒక జర్నలిస్టుగా సాంబశివరావు నిర్పక్షపాతంగా మాట్లాడాలి కానీ ఇలాంటి మాటలు అనడం బాధ్యతారహితం అని అంటున్నారు. ప్రజా నాయకుల గౌరవాన్ని కించపరచే వ్యాఖ్యలు మీడియాలో చేయడం తగదని అభిప్రాయపడుతున్నారు.
ఇప్పటివరకు ఈ వివాదంపై సాంబశివరావు నుండి ఎలాంటి ప్రత్యక్ష స్పందన రాలేదు. అయితే ఆయన వ్యాఖ్యలు తప్పుగా అర్థం చేసుకున్నారనే వాదనతో సమాధానం ఇవ్వవచ్చని సమాచారం.
మొత్తానికి… ఒక చిన్న వ్యాఖ్య కూడా నేటి సోషల్ మీడియాలో ఎంత పెద్ద తుఫాను సృష్టించగలదో ఈ ఘటన మరోసారి నిరూపించింది. చంద్రబాబు వంటి సీనియర్ నాయకుడిపై ఇలాంటి మాటలు చెప్పడం టీడీపీ అభిమానులకు తట్టుకోలేని విషయం అయింది.
